"937 mlrd tengeden asa somagha deldaldyq shema men qarjylyq zang búzushylyqtar anyqtaldy. Onyng 123 mlrd tengesin qúqyq qorghau organdary anyqtady" dedi QazaqGaz kompaniyasynyng qazirgi tóraghasy Sanjar Jarkeshov 6 mausymda mәjilistegi ýkimet saghatynda.
Onyng sózinshe, kompaniya qyzmetine baylanysty tolyq audittik tekseris jýrgizilgen. Jarkeshov 123 mlrd tenge boyynsha qarjylyq zannama búzylghanyn aityp, QazaqGaz kompaniyasynda "kóp mәsele jinalyp qalghan" dedi.
Ol ýkimetting sheshimimen "QazTransGaz" atauyn QazaqGaz dep ózgerip, últtyq kompaniya statusyn alghanyn, "Samúryq Qazyna" qorynyng qúramyna kirgenin de atap ótti.
Jergilikti basylymdardyng jazuynsha, kompaniya qúramy nauryz ortasynda tolyq janarghan. Nazarbaevtyng qyzy Darigha Nazarbaevanyng beyresmy kýieui sanalatyn Qayrat Shәripbaev búl kompaniyany 2014 jyldan beri basqaryp kelgen edi. Qantar oqighasynan keyin Núrsúltan Nazarbaevtyng kýieubalalary, onyng ishinde Shәripbaev ta bar, qyzmetten ketken edi.
Shәripbaev tóraghalyqtan ketken song kompaniyany uaqytsha basqarghan Ibulla Serdiyge ótken aptada izdeu jariyalaghan edi. Jergilikti basylymdardyng jazuynsha, Serdy keyingi 20 jylda biraz jerde manyzdy qyzmetterde bolghan.
Biyl qantarda Janaózende súiytylghan gaz baghasynyng qymbattauynan song júrt narazylyqqa shyghyp, sony tәrtipsizdikke úlasqan edi. 5 qantarda preziydent Qasym-Jomart Toqaev "súiytylghan gaz baghasynyng qymbattauyna energetika ministrligin, "QazMúnayGaz" jәne osy QazaqGaz kompaniyasyn aiyptaghan" edi.
Toqaev kemi 238 adam qaza bolghan Qantar oqighasynyng basty sebebin "әleumettik tensizdik" jәne "bay men kedey arasyndaghy aiyrmashylyqtyng arasyndaghy alshaqtyq" degen. Qazaqstan preziydenti eldegi baylyqtyng jartysyn 162 adam iyelenip otyr dep mәlimdegen edi.
Abai.kz
