Qantar oqighasyna baylanysty arnayy prokurorlar "jappay tәrtipsizdik" boyynsha 58, "terrorizm aktisi" boyynsha 8 qylmystyq isti qarap jatyr. Osylay dep bas prokuratura ókili Eldos Qilymjanov mәlimdedi.

Onyng sózinshe, Qyzylorda oblysynda әskery qyzmetkerding óliminen son, "Terrorizm aktisi" babymen qozghalghan qylmystyq is boyynsha sot otyrysy jalghasyp jatyr.

Búdan bólek Shymkentte 35 kýdiktining isi sotqa ótip, bәri әrtýrli jazagha tartylghan. Prokuratura ókili olargha qaysy baptar boyynsha aiyp taghylghanyn jәne jaza merzimi qanday ekenin naqty aitpady.

"Jazany jenildetuge bolmaytyn jaghdayda, prokurorlar sottan bas bostandyghynan aiyrmaytyn jazalar berudi súrap jatyr. Búdan bólek prosessualdyq kelisu instituty da keninen qoldanylyp jatyr", – dedi Qilymjanov.

Onyng aituynsha, Qyzylorda oblysynda kinәlerin moynyna alu turaly prosessualdyq kelisimmen 42 kýdiktining isi sotqa berilgen. Osynday ispen Almaty oblysynda 15, Jambyl oblysynda segiz, Aqtóbe jәne Shyghys Qazaqstan oblystarynda ýshten kisining isi sotqa berilgen.

Qilymjanov 55 adamgha qatysty bas bostandyghynan aiyrugha baylanysty emes jaza tartylghanyn atap ótti.

Býgingi kýnge deyin qantar oqighasyna baylanysty 392 qylmystyq is sotqa berilip, 445 adam sottalghan.

"Olardyng ishinde biylik ókilderine zorlyq-zombylyq kórsetti, mýlikterin talqylau siyaqty auyr qylmys jasady degen 46 adam abaqtygha qamaldy. Qantar oqighasy boyynsha jalpy mynnan astam adam kýdikti ústalghan. Býgingi kýnde 514 adam qamauda otyr. 284 adam kepildikpen tergeu abaqtysynan shygharylghan", – dedi Qilymjanov.

29 mausymda Qazaqstannyng bas prokurorynyng orynbasary Áset Shyndaliyev Qantar oqighasy kezinde 232 adam qaytys bolyp, taghy alty adam ústalghannan keyin azaptaudan kóz júmghanyn mәlimdedi.

Abai.kz