Reseyding Ukrainagha soghys ashqanyna 24 shilde kýni bes ay boldy. Kiyevti eki kýnde alamyz degen Mәskeuding ekpini basylyp, aryny qaytqan. Sonymen bes ay soghys әlemge jәne Ukrainagha qanday ózgeris әkeldi. 

1. Resey aqpan aiynda soghysty zymyran jәne әue soqqylarynan bastady. Ukrainanyng әskery qoymalary men nysandaryn, әuejaylaryn 24 aqpan kýni tópelep atqylaghan Resey әskeri, birneshe baghytta shabuylgha shyqty. Ontýstik baghytta jyldam arada Herson oblysy men qalasyn basyp aldy. Búl Ukraina soghysynda Reseyding eng iri jenisi bolatyn. Artynsha Resey Qyrymgha jasalghan su blokadasyn joy maqsatynda Soltýstik Qyrym kanalyn ashyp, Qyrymgha su jiberdi. Resey búl әreketin barlyq arnalar arqyly kórsetip, keremet jetistik retinde sipattady. Resey Lugansk pen Donesk oblysyna da shabuyldy kýsheytip, basty baghyt retinde Harikov (Reseyge shekaralas jatqan Ukrainanyng ekinshi iri qalasy) pen Kiyevke shabuyldy kýsheytti. Álemdik pressa Kiyevke jaqyndaghan 64 shaqyrymgha sozylghan Resey әskery kolonnasy jayly jarysa jazdy. Áne-mine Kiyev qúlap, Zelenskiy qashady degen aqparatty taratty, key BAQ-tar Zelenskiydi "qashyryp" ta jiberdi. Mysaly Resey MemDumasynyng tóraghasy Volodin sol jalghan aqparatqa sýienip, "Zelenskiy Kiyevten qashty" dedi. Alayda búl jalghan bolatyn. Kiyevti Resey әskeri basyp ala almady. Kiyev manynda tas-talqan bolghan basqynshy әskeri keri shegindi. Solaysha Kiyev, Sum jәne Harikov oblysynda Ukraina әskeri Resey әskerin tyqsyra qudy. Harikov boyynda Ukraina әskeri birneshe jerde Resey shekarasyna shyghyp, memlekettik shekarany qalpyna keltirdi.

2. Ukraina әskerining toptasuy men astanany saqtap qaluda Mariupoli qorghanysyndaghy jauyngerler men "Azovstali" zauytyna bekingen Azov polki tarihy missiyasyn adal oryndady. Olar erlikting eren ýlgisin kórsetip, qasqyrsha qaysarlyqpen shayqasa bildi, Resey әskerining quatty bólimshelerining soqqysyn ózine qabyldap, sol arqyly Ukraina әskerining toptasuyna jәne Kiyev pen Harikov boyynda qarsy shabuylgha shyghuyna mýmkindik berdi. "Azovstali" qorghanysy eki aidan astam uaqytqa sozyldy, al Azov jasaghy beyresmy beymәlim kelissóz negizinde tútqyngha týsti.

3. Resey men býlikshi separatister Lugansk jәne Donesk baghytynda shabuylyn jalghastyruda. Aldynghy shepke Ukrainanyng eki býlikshi oblysynan qúralghan әskery bólimshelerdi qoyyp, artynsha Resey әskeri shabuyl jasau taktikasy kópshilikting qarsylyghyn tudyruda. Resey bes ay degende Luganskting birshama bóligin basyp aldy, alayda oghan jetu ýshin Resey әskeri myndaghan adam men tehnikasyn qúrban etti. Eki oblys ýshin qiyan-keski shayqastar jalghasuda.

4. Ukraina әskeri qarsy shabuyl jasaugha birtindep kóshe bastady. Alghashqy qarsy shabuyl fazasy Ukraina әskerin Harikov boyynda shekara manyna deyin jetkizse, endigi baghyt ontýstik, yaghny Herson jәne Zaporojie oblystary. Ukraina Herson oblysy boyynsha barynsha algha jyljyp, qalany qaq ortasynan bólip jatqan Dnepr ýstindegi kópirlerdi atqylauda. Hersondy ontýstik jәne soltýstik jaghalaumen jalghap jatqan ýsh iri kópir bar. Ol Antonov avtokólik kópiri jәne temirjol kópiri, sonymen birge Jana Kahovka GESi boyyndaghy tas jol. Mine, búl ýsh nysan qazir Ukraina әskerining nazarynda jәne ukrain sarbazdary zymyran keshenderimen kópirlerge soqqy jasauda. Basty maqsat kópirdi qiratu emes, auyr tehnika óte almastay zaqymdau. Sol arqyly Hersondy basyp alghan Resey әskerine auyr tehnika jetkizu mýmkindigin azaytyp, qarsy shabuylgha ótu. Kópirlerdi tolyq joy qatelik bolar edi, sebebi Hersonnyng ekinshi bóligin azat etu kerek qoy.

5. Resey men Ukraina arasyndaghy Qara tenizdegi soghys jalghasuda. Soghystyng basynda Ukrainanyng әskery flotyn tolyq joyghan (basym bóligi 2014 jyly Qyrymda qalghan edi) Resey әskeri tenizdegi soghysta sózsiz basymdyqqa ie edi. Alayda Reseyding eng iri kreyseri Mәskeudi sugha batyryp, artynsha Jylandy (Zmeinyi) aralyn azat etken Ukraina әskeri Qara teniz ýshin qan tógerin naqty kórsetti. batys taraby bergen "Garpun" zymyrandary balansty tolyq qalpyna keltirmese de, Ukrainagha Qara tenizde manevr jasauyna mýmkindik ashty.

6. Ukrainany qoldau boyynsha arnayy platforma qúryldy. Búl órkeniyetti әlem elderining qolbasshylary, qorghanys ministrleri bas qosyp, Kiyevke qaru berudi talqylap, sheshim qabyldaytyn "Ramshtayn" alany. Ramshtaynda tórt mәrte kezdesu bolyp, Ukrainagha auyr artilleriyalar (155 mmlik) jәne HIMARS pen M270 zymyran keshenderi berile bastady. Búl soghystyng barysyn ózgertti jәne Resey әskerin pozisiyalyq soghysqa ótuge mәjbýrledi. Ukraina atalmysh zymyran keshenderining kómegimen Reseyding әskery qoymalary men shtabtaryn talqandap jatyr.

7. Resey soghysta taghy bir bopsany tapty. Ol ukrain astyghy. Óz qolyndaghy astyqty porttar men kólik joly arqyly tasyp jatqan Resey әskeri әlemdi astyq tapshylyghy arqyly bopsalaugha kóshti. Resey әskeri astyq jinaytyn sәtte Ukrainada alqaptardy jappay órteu taktikasyna ótui de mýmkin. Astyq jetkizudi toqtatu arqyly, Mәskeu ózine salynghan sanksiyalardy alyp tastaudy qalaydy. Alayda Europa oghan barmaytynyn aitty. Týrkiya, Ukraina, BÚÚ jәne Resey arasynda Stambúl qalasynda astyqty tasymaldau boyynsha kelisim jasalghan bolatyn. Ol boyynsha porttargha qanday da bir kedergi jasau nemese soqqy jasaugha tyiym salyndy, kemelerge qauip tóndirmeudi uaghdalasty. Dey-túra bir kýn ótpesten Resey kelisimdi búzyp, Odessa portyna soqqy jasady.

Ashat Qasenghaliy

Abai.kz