Dala órtinen zardap kórgen Qostanay oblysynyng túrghyndaryna atyraulyqtar 30 tonna gumanitarlyq kómek jiberdi. Oblys әkimi Serik Shәpkenovting tapsyrmasy boyynsha Atyrau qalasy men audandarda arnayy shtabtar qúryldy.

Shtab ókilderi býgin tanghy saghat 9:00-den bastap azyq-týlik, kiyim-keshek, jeke gigiyenalyq qúraldar men tósek-jabdyq jinap, kólikterge tiyep jiberdi, dep habarlaydy oblys әkimining baspasóz qyzmeti.

Qayyrymdylyq sharasyna túrghyndar, әkimdik qyzmetkerleri men mәslihat deputattary, jergilikti kәsipkerler men eriktiler jasaghy júmyla at salysyp jatyr.

- Qostanay oblysyndaghy qayghyly oqigha kimning bolmasyn qabyrghasyn qayystyrmay qoymady. Sol ýshin shtabta jan-jaqtan kómek jinap, ony jýk kólikterine tiyep, kezen-kezenimen jiberemiz. Múnday qiyn synaqtan júdyryqtay júmylyp, bir el bolyp óte alamyz. Qazir Qostanay oblysyndaghy «Amanat» partiyasy filialynyng basshysymen baylanysta otyrmyz. Biz kórsetip otyrghan kómekten bólek, japa shegushilerge tikeley qarajat jiberem deushilerge bank shoty ashyldy. Aldaghy uaqytta búl esepshottyng nómiri qosymsha habarlanady,-dedi oblystyq «Amanat» partiyasynyng atqarushy hatshysy Abdolla Idresov.

Abdolla Idresovting mәlimetinshe, birinshi qajettiliktegi zattar salynghan alghashqy 10 jýk kóligi jolgha shyqty. Qalghany Qostanay oblysyna jaqyn uaqytta jóneltiledi.

Shtab qúramynda «Jastar ruhy» jastar qanatynyng mýsheleri de belsendi at salysyp otyr.

- Auyr habardy estigeli beri barymyzdy salyp, erikti retinde tauarlardy kólikterge tiyep jatyrmyz. Biz Qostanaymen birgemiz. Kómek kórsetuge dayynbyz. Osynday qayyrymdylyq sharalaryna jastardy belsendi at salysugha shaqyramyz,-dedi erikti Zamanbek Qúraqbay.

Búdan bólek, baspanasynan aiyrylghan qostanaylyqtargha kómek kórsetu ýshin Atyrau oblysy boyynsha arnayy chat ashyldy.

- Chatqa qosylghan azamattar aqshalay jәne zattay kómek kórsetuge dayyn ekenin jazyp otyr. Eki kýn boyyna kerek-jaraqtyng bәrin jinap, keyin jóneltemiz dep otyrmyz. Qazirding ózinde 20-gha juyq jýk kóligi saqaday-say túr. Almaly auyly jәne Mahambet audanynan da jýk kólikteri kele jatyr,-dedi Núrlan Jonasov.

Abai.kz