Biybigýl apa Tólegenovany jýzbe-jýz kóruim alghash ret. Talay ret ekrannan kórgen, talay ret sahnada shyrqaghan әnin estigen bizge Biybigýl apanyng týri jaqsy tanys. Qazaqtyng búlbúl qúsy atanghan әnshi apamnyng esigin qaqqanymda әuelde qobaljyghanym da ras. Apam ýide jalghyz eken. Shildening shilingir ystyghy qoysyn ba, tandayymdy keptirip, shólirkep kirdim. Apam da mening osy bir halimdi birden angharsa kerek, ayaq kiyimimdi sheship jatqanymda-aq, "Shóldegen shygharsyn, ystyq shәy ishesing be?" dep súrady. "Apa, shәy emes, su berinizshi" deppin. Salqyn sudy simirip alghan son, apamnyng sonyna ilesip, tór bólmege bettedim. Sol bayaghy ózim ekrannan talay kórgen súlu әnshi apama erip kelem. "Syrly ayaqtyng syry ketse de, syny ketpeydi" demey me, apamnyng jýzinen әli de súlulyqtyng syny ketpegen. Ashyq-jarqyn qalypta әnshi apammen әngimemiz jarasyp jýre berdi.

Biybigýl apa Tólegenovany jýzbe-jýz kóruim alghash ret. Talay ret ekrannan kórgen, talay ret sahnada shyrqaghan әnin estigen bizge Biybigýl apanyng týri jaqsy tanys. Qazaqtyng búlbúl qúsy atanghan әnshi apamnyng esigin qaqqanymda әuelde qobaljyghanym da ras. Apam ýide jalghyz eken. Shildening shilingir ystyghy qoysyn ba, tandayymdy keptirip, shólirkep kirdim. Apam da mening osy bir halimdi birden angharsa kerek, ayaq kiyimimdi sheship jatqanymda-aq, "Shóldegen shygharsyn, ystyq shәy ishesing be?" dep súrady. "Apa, shәy emes, su berinizshi" deppin. Salqyn sudy simirip alghan son, apamnyng sonyna ilesip, tór bólmege bettedim. Sol bayaghy ózim ekrannan talay kórgen súlu әnshi apama erip kelem. "Syrly ayaqtyng syry ketse de, syny ketpeydi" demey me, apamnyng jýzinen әli de súlulyqtyng syny ketpegen. Ashyq-jarqyn qalypta әnshi apammen әngimemiz jarasyp jýre berdi.

- Býginde bizde jaqsy kompozitorlar qalmady ghoy. Aramyzda jalghyz jýrgeni Eskendir Hasanghaliyev ghana. Qazirgi kompozitorlardyng ne jazyp, ne qoyyp jýrgenin kәsiby әnshi bolsam da týsinbeymin, - dep bastady Biybigýl apa әngimesin. - Tanertennen keshke deyin birnәrseni azynatyp, joqtau aityp, jylap otyrghandary. Nege jylaydy, nemenesin joqtaydy, sony týsinbeymin. Qúdaygha shýkir, olardyng jaghdayy jaqsy, tórt qúbylasy teng degendey. Nemenesine sonday әnder jazady eken dep, soghan tanqalam. Jәne de búrynghy aqyndar siyaqty aqyndar da joq qazir. Filosofiyasy tereng dýnie jaza almaydy. Búrynghy kezdegi dýniyeni qaytaryp ala almaysyn. Zamangha say degendey, olar da óz zamanyna say dýniyeler jazyp jýrgen shyghar. Biraq, bәribir solardyng býgingi jazyp jýrgen dýniyelerin týsinbeymin. Qazirgi kompozitorlardyn, aqyndardyng ólenderinde terendik joq. Olardyng kóbi tez-tez úmytylyp ketetin shygharmalar. Shәmshi Qaldayaqovtyn, Áset Beyseuovtin, Sydyq Múhamedjanovtyn, Ábilahat Espaevtyng shygharmalaryna qanday aqyndar sóz jazghan! Qazirgi aqyndar nege ony kórmeydi? Olardyng bilimderi jetispeydi, oilary sayaz dep oilamaymyn. Yrghaghyna qaray ózderining ólenderin jazatyn boluy kerek. Biraq, búrynghy aqyndardyng ólenderi de tereng bolatyn. Ishki sarayyndy ashatynday, kónil kókjiyegindi keneytetindey songhy on jylda bir әn estigen joqpyn.
- Ánshilerimizding arasynan she? Erekshe dauysty әnshining әnin estidiniz be?
- Ánshilerding kóbi shala sauatty adamdar bop ketti. Kóbi kәsiby әnshi emes. Dombyrasyn soghady da, shygha beredi. Kerek deseniz, olardyng kóbi notanyng ne ekenin bilmeydi? Aldyn-ala jazyp alady da, sony bir kýnde taqpaqtap, jattap alady. Boldy. Olardyng tayazdyghy sol, fonogrammagha senedi. Sonyng yrghaghynan shyghyp ketpeudi oilap túrady. Ándi olay aitqannan keyin, әn shyqpaydy ghoy. Óitip aitqan, matematikadan esep shygharghanmen birdey. Án degen ishki jýrekten, keudeden shyghuy kerek. Sonda ghana ol tyndarmanynyng kónilinen shyghady. Terennen shyqpay әn әn bolmaydy.
- Ánshilik qasiyet Alladan beriletin daryn ba, әlde arnayy mektepten ótudi qajet ete me?
- Qúdaydyng bergen daryny bir bólek. Qansha mektepten ótse de, Qúday daryn bermese, ol adamnan jaqsy әnshi shyqpaydy. Adamnyng talaby bolmasa, daryny bolmasa, konservatoriyagha da kez kelgen adam týse almaydy ghoy.
- Al, siz qalay keldiniz?
- Men kórkemónerpazdar ýiirmesi arqyly keldim. Sonau bala kezden, mektepte oqyp jýrgen kezimde de, júmys istegen kezimde de әn aittym. Erte júmysqa aralastym. Júmys istep jýrgen jerimnen Almatygha bayqaugha kelip, oqugha qaldym. Al, qazir әnshiler oghan barmaydy. Qanday jaqsy әnshilerding ózi mektepke barmaydy. Jenil tabystyng jolyna ketkendi tәuir kóredi. Eshnәrse enbeksiz berilmeydi. Talantyng basynnan asyp túrsa da, enbek etpeseng bolmaydy. Qazirgi әnshilerdi "jenilding astymen, auyrdyng ýstimen" jýrgender dep sanaymyn. Bir әn jazdyrtady, sosyn ol әndi ózi aitady. Ol sahnagha shyqpay ketse, әlgi әn de úmytylady. Mәselen, Shәmshining әnderi qanshama uaqyt bolsa da, bireui de úmytylmaydy. Kez kelgen qarapayym adamnan súrasang da, birden aityp beredi. Qanshama janalyqqa eliktesek te, ózimizding týbimizdi úmytpauymyz kerek. Eng basty nәrse osy. Býgingi kompozitorlar Europagha eliktep ketip jatyr. Sol elikteuding arqasynda ne jazyp, ne qoyghanyn ózderi de bilmeydi. Qazir kosmostyng zamany dep, bәri shapshang bolyp ketti ghoy. Soghan sәikes әnder de kóbeyip ketti. Kәsiby әnshi bolghannan keyin, mýmkin birsypyra konservativti minezim de bar shyghar. Biraq, qazirgi әnderge kónilim tolmaydy. Shynymdy aitsam, sharshaymyn. Muzykany qatty oinaydy. Estradalyq konsertke shaqyrghanda, jarty saghattan astam uaqyt otyra almaymyn. Shyghyp ketem, iyә, konsertting ayaghyna deyin, qúlaghymdy basyp otyram. Onday konsertke barghanda adam demalu ýshin barmaushy ma edi. Bizding kezimizde konsertterimizge adamdar demalugha keletin edi ghoy. Bizding aitqan әnderimizdi zalgha jinalghan qauym qosylyp aita beretin. Qazir qosylyp aitpaq týgili, sharshap shyghasyn.

"QOBYZ ÚSTAGhANNAN KEYIN, ÚLTTYQ QASIYETINDI SAQTA"

- Siz әndi qalay tandaytyn ediniz?
- Eng әueli sózine mәn beretinmin. Sózge mәn bermese, ol әn bolmaydy. Key-keyde kәsiby әnshilerding ózine úrsam. Sózin emes, dauystaryn kóteru ýshin shynghyryp ketedi. Ol dúrys emes. "Sening búl dauysynnan әnindi eshkim týsinbeydi. Sen sol dauysyna sózindi sal" dep úrsam. Áytpese, "gokku, gokku" degennen kim ne týsinedi?! Ár adam ózining eng әueli últtyq mәdeniyetin saqtau kerek. Últtyq muzykasyn orynday bilui kerek. Odan keyin klassikagha baruy kerek. Keyde konservatoriyada oqytqanda, halyq әnderin aitpa dep jatady. Ol dúrys emes. Halyq әnderin aitpasa, ol qalay qazaqtyng әnshisi bolady. Bile bilseniz, eng myqty kompozitorlardyng shygharmalarynyng ózinde halyq әnderining sazdary kezdesedi. Sonyng bәrin týsinu kerek qoy. Qanday әn jazsang da, ol sening últtyq qasiyetindi kórsetip túru kerek. Biz últtyq qasiyetimizdi kórsetpeymiz. Shet elge barsaq, sol elding dýniyelerin alyp kelip, tang qaldyrdyq dep jatamyz. Olar tang qalmaydy. Últtyq mәdeniyetimiz kerek olargha. Qyzdarymyzdyng ózi shet elge barghanda, ashyq-shashyq kiyinip barady. Ótkende Arab әmirlikterine baryp, qobyzdy tartyp otyrghan qyzdardy teledidardan kórip, men úyaldym. Ol nege kerek? Qobyz ústaghannan keyin, últtyq qasiyetindi saqta. Ol naghyz últtyq aspap emes pe? Mening osyghan janym auyrady.
- Siz býgingi әnshi qyzdarymyzdyng oryndauyndaghy "Gauhartasty" tyndap kórdiniz be?
- Shynymdy aitsam, mening eshbir "Gauhartasqa", eshbir "Búlbúlgha" kónilim tolmaydy. Maqtanghanym emes. Halyqtyng ózi, men otyrghan kezde, sahnada bireu "Gauhartasty" oryndap jatsa, maghan kelip: "Apa, siz túrghan kezde nege oryndaydy?" dep aityp jatady. "Ol men ýshin jazylghan әn emes qoy. Aytsyn, oryndasyn" desem, "Tym bolmasa, sizden artyq aitsa qaytedi" deydi. Qaytedi endi, solay oryndasa. Bizding әnshilerimiz halyq әni me, klassikalyq dýnie me, osyny týsinbeydi. Men jas kezimde baqytty boldym. Óitkeni, týsinbegen jerlerimdi súraytyn agha-apalarym boldy. Jamal Omarova, Rahiya Qoyshybaeva, Jýsipbek Elebekov, Gharifolla Qúrmanghaliyev siyaqty әnshi agha-apalarymnan bastaryn qatyryp, súrap alatynmyn. Sóitip ýirendim ghoy. Men de auadan týsken joqpyn. Al, býgingi jastar súraugha namystanady. Súrasa, tómendep qalatyn boluy kerek.
- Olar da sizge syn aitushy ma edi?
- Men ondaygha jetkizbeytin edim. Birde әli esimde, teatrgha kelip, Qyz Jibekti aitamyn dep jýrgenimde, Kýlәsh apam: "Ey, kishkentay, qazaqshagha tiling kelinkiremeydi, әueli tilindi jóndep alu kerek" dedi. Ol kisi bizding bәrimizdi "kishkentay" dep erkeletetin. Mening tilim oryssha shyqqan edi. Orystyng arasynda tuyp-óskem. Orystyng arasynda júmys istegem. Konservatoriyany oryssha oqygham. Týsinuin týsinem, biraq sózim joq. Beride ghana ýirendim ghoy. Qazir maghan eshkim: "sen qazaqsha oqymaghansyn" dep aita almaydy.
- Rasynda, tilinizge qarasam, oryssha oqyghan adamgha úqsamaysyz...
- Almatygha alghash kelgenimde bir sóz qazaqsha bilmeushi edim. Júbanov meni talay ret kabiynetine shaqyryp alyp, bir jarym saghat otyrghyzyp qoyatyn. Sonynda jylap shyghatynmyn. Ol kisi qazaqsha súraydy, týsinem, jauap bere almaymyn. Qazaqsha sóile deytin. Sóitip, qinalyp jýrip, qazaqsha ýirendim ghoy. Adam balasy aldyna maqsat qoysa, ýirenedi bәrine. Shyqpasa shygharu kerek. Qazir biz qazaq tili dep shyryldap jýrmiz ghoy. Men saghan aitayyn, әueli bala tildi ózining ýiinde jeti jasqa deyin estip, ósui kerek. Óitkeni, jeti jasqa deyin qarapayym qazaq tilimen jýredi ghoy. Sony ýirenedi. Sodan keyin mektepke barady. Al, biz birden tәrtipke týsirgimiz keledi. Óitip, tildi damyta almaymyz. Teledidardy qossanyz, tildi dúrys bilmeytin jastar sóilep otyrady. Jastardy emes, nege ýlken kisilerdi shaqyrmaydy? Balalar sol ýlkenderden ýirenedi ghoy. Solardyng aitqanyn jadyna qabyldaydy. Men nege tildi bilmesem de, týsindim. Oryssha oqydym, oryssha sóiledim, biraq qazaqshany týsindim ghoy. Óitkeni, auylda jýrgenimde qazaqtyng ýilerine qonaqqa jii baratynbyz. Sol ýilerde ýlken qariyalar otyryp, epostyq jyrlardy jatqa aitatyn. Qolynda kitaby joq, eshtenesi joq, qarapayym adam әlgi jyrlardy jatqa soghady. Qazir onday joq. Pushkinge tildi kim ýiretken? Qarapayym kýtushisi ýiretken. Lermontov kimnen ýirengen? Qarapayym kýtushisinen ýirengen. Solardan orys tilining mәiegin ýirengen. Sodan olar ýlken aqyn bop shyqty. Mine, tildi ýiretudi, tilding mәiegin sinirudi balabaqshadan bastauymyz kerek. Balabaqshada balalargha qazaqsha taqpaq jattatu qajet. Sonyng bәrin әueli olar qúlaghymen estiydi.
- Jaqsyny da, jamandy da deysiz ghoy.
- Jaqsy menen jamandy da qúlaghymen estiydi. Birden kitap oqyghannan eshtene shyqpaydy. Soghan mening qarnym ashady. Bizding teng jartymyz orys tildi qazaq. Bizding әdeby tilimizde de min kóp. Kóshe boylarynda neshe týrli jarnamalar iluli túrady. Solardy kórgende, qalay úyalmay osyny iledi eken dep oilaymyn. Osyny audaryp bergen kim eken dep soghan jynym keledi. Endi ne isteysin? Onyng bәrin jóndeytin til mamany emespin. Ózim de qarapayym tilden ýirendim. Ary qazbalasa, grammatika jaghynan men de sýrinuim mýmkin. Biraq, eng bastysy әkemning tili qúlaghymda qaldy ghoy.

"SEN QAZAQQA BIYBIGÝL BOLSAN, MEN TARAZDYNG BIYBIGÝLIMIN"

- Ákeniz qughyn-sýrginge úshyraghan kezde ananyzben qaldynyz ba?
- Ákemdi atyp jiberdi. Anamyzben qaldyq. Anamyzdy noghay deytin. Osynda kelgennen keyin tatar boldy. Qazaqsha taza sóileytin. Qazaqtyng әnderin taza aitatyn. Anamnyng aitqan sózderi, әnderi qúlaghymda qalyp qoydy. Qanmen berilgennen shyghar, tildi ýirenu de maghan jenilirek boldy.
- Ánshilik qabilet ananyzdan daryghan boldy ghoy.
- Anamnan darydy. Semeyde jýrgende noghay deytin edi. Mynda kelgennen keyin tatar deytin boldy ghoy. Men tatardyng әnderin aitqanda, anam maghan tang qalatyn. "Tiling shýldirlep, mynanyng bәrin qaydan aityp jýrsin" deytin. "Ýireteyin be?" desem, "Joq, keregi joq. Maghan qazaq әnderi jetedi" deytin. Anamnyng týsi sary edi, moyny úzyn bolatyn. "Tym bolmasa, apa, moynym sizge tartpady ma?" desem, "sening moynyng әkene tartqan" dep kýlushi edi.
- Qansha aghayyndy edinizder?
- Ýide alty qyz boldyq.
- Ákenizdi ústap әketkende qansha jasta ediniz?
- Jetide edim ghoy. Bәrin óz kózimmen kórdim. Bәrimiz qyzylshamen auyryp jatqanbyz. Ákem Qatonqaraghayda hatshy bolyp júmys isteytin. Kóbi meni qatonqaraghaylyq deydi. Negizinde Semeyde tuyp óskem. Qatongha barsam, olar "bizdiki" deydi, Semeyge barsam, olar meni "semeylik" deydi. Men olargha "býkil qazaqqa ortaqpyn" dep kýlem. Qalay bólinem. Bәri jaqsy kórip jatsa. Adam syilaghannyng qúly ghoy.
Ákemdi sonda ústap әketti. Sodan әkemizdi kórgen joqpyz. Songhy porohodpen Semeyge keldik. Onda әkemning jalghyz inisi bar edi. Ol kisi de qaytys bolypty. Sonymen jylap, enirep biz qaldyq.
- Sizding әkenizding familiyasy basqa boluy kerek eken, sizderding familiyalarynyz ózgerip ketken degendi basylym betterinen oqyghan edim.
- Familiyany ózgertken mening әkem. Asharshylyq jyldary әkemning әke-sheshesi qaytys bolypty. Olar Abyralyda túrghan eken. Abyralydan Semeyge qalay kelgenin bilmeymin? Tentirep jýrip, әke-shesheden airylady. Aghalaryna barady. Tortanbay degen atamyzdan tughan aghasyna barady. Barsa, ol ýidegi jengesi quyp jiberipti. "Asharshylyqtan ózimiz de әreng kýnimizdi kórip jatyrmyz. Taghy bir jetimdi asyray almaymyz" dese kerek. Sol jyldary Musin diyirmeni degen boldy. Sol jerde әkemning naghashy aghasy jýk tasushy bolyp júmys isteydi eken. Sol kisining familiyasy Tólegenov bolghan. Sol kisi әkemdi janyna alyp, diyirmenge júmysqa aparyp jýripti. Sol jerde әkem jýk tasushylargha qapshyqtar berip otyrypty. Qolynda eshqanday qújaty joq. Sodan naghashy aghasy: "Búl mening balam, familiyasy Tólegenov" dep aitady ghoy. Sóitip, biz Tólegenov bolyp kettik. Sodan keyin, soghys kezinde Ghaziz aghamyz bizge kelip, jylap otyryp, "óz attarynyzdy almaysyndar ma?" dedi. Bizding óz familiyamyz Bayqonysova boluy kerek edi. Biraq biz qalay óz familiyamyzdy alamyz, eger әkemning familiyasy Tólegenov bolsa... Men Bayqonysova bolyp ketsem, әkem mening kim bolady. "Joq" dedim. Anam da "búl balalar әkesinen Tólegenov bolyp qaldy, Tólegenov bolyp ketedi" dedi.
- Birge tughan bauyrlarynyzdyng da siz siyaqty erekshe daryndary bar ma edi?
- Bir sinlim konservatoriyany bitirip, on bes jylday júmys istedi. Byltyr qaytys boldy. Bәrimizding dauysymyz úqsas. Taraz jaqta bir apam bar. Ol әnshi bolghan joq. Ol da sol jerding Biybigýli bolyp jýrgen. "Sen Qazaqstangha Biybigýl bolsan, men Tarazgha Biybigýlmin" dep maqtanatyn. Mәriyamgýl degen qyzym jolymdy quyp kele jatyr edi. Ókinishke qaray, qyzym menen búryn ketti.

"QAZIRGI OQUDYNG ÓZI BIRTÝRLI ÓZGERIP KETTI"

- Jas kezinizde aitqan әnderiniz saqtalyp pa? Dauysynyz basylghan taspalar bar ma eken?
- Mening bir jaqsy jerim, radiogha jeke әnshi bolyp týstim. Mәskeuden arnayy brigada kelip, dauysymyzdy jazatyn. Sonyng arqasynda kóptegen shygharmalarym jazylyp saqtalghan. Eski. Biraq, saqtalyp qalypty. Eki tomdyq antalogiyamdy shyghardym. Ár antalogiyada bes-bes disk bar. Sol diskilerding ishinde eng birinshi auzymdy ashyp әn aitqanymnan bastap, keyingi jyldargha deyin jazylghan әnderim bar.
- Eng alghash qay әndi oryndaghan ekensiz?
- Konservatoriyada oqyp jýrgenimde, "Almaty tany", "Men kórim" degen eki әndi jazdyrtqam eken. Sol taspalar bar. Sol kezdegi әnderimdi tyndaghanda maghan birtýrli qyzyq bolyp túrady. Dausym da kóp ózgermepti. Qazir shynayy, kәsiby әnshi bolghannan keyin, dauys ózgeredi. Tyndaghanda, birtýrli qaraymyn. Ózimdi ózim tyndaghanda, qazaqsha aitqan әnderime kóbirek mәn berem. Keybir sózderdi dúrys aitpaghan shygharmyn dep oilaymyn. Qaghazgha qarap aityp otyrghanda, sózinen janylmayyn dep, keybir әripterdi shala aitqan kezderim de bolypty. Keyin, әrbir әripti dúrys aitugha tyrystym. Qazir teledidarda otyryp, әripterdi búzyp oqyp otyrady. "Bitedi, ketedi" dep, sozyp aityp jatady. Sondyqtan, teledidardyng qyzdaryna úrsam. "Qazaqsha sóilegende әrbir әripterdi dúrys aituyng kerek, el saghan qarap ýirenedi" deymin. Ásirese, ng әrpin aita almaydy eken. Muzykadan habary bar adamnyng sluhy jaqsy bolady eken. Birden qaghyp alam. Kez kelgen elding әnin aitqanda, olar maghan tang qalatyn. "Siz bizding tilimizde әndi qalay taza aitasyz?" deytin. Tipti, Armeniyagha barghanymda, bir armyan maghan: "sizde armyannyng qany joq pa?" degen. Bәlkim, Alla Taghalam maghan sonday qasiyet bergen boluy kerek. Menimen birge ósken taza qazaqtyng qyzdarynyng qazaqshasynda aksent bar, menen onday taba almaydy.
- "Qazaqfilim" týsirgen filimderge әn jazyp kórdiniz be?
- Búrynghy týsirilgen biren-saran filimderde mening dauysym bar. Keyde estiymin de, mynany qay uaqytta jazgham dep tang qalyp jatam. "Bizding sýiikti dәrigerde" qazaqsha núsqalarynyng bәrin ózim aittym. "Dala qyzy" filimine de ózim jazdym.
- Án mәtinderin tez jattaytyn ba ediniz?
- Onday úmytyp qalghan kezder boldy ghoy. Qazaqsha týsingennen keyin maghynasyna jaqyn sózderdi tauyp alatynmyn.
- Shet elge jii shyqqanynyzdy bilemiz. Kóp elderde boldynyz ba?
- Oi, kóp qoy.
- Qazir konservatoriyada júmys isteysiz be?
- Qazir konsulitant bolyp qyzmet atqaram. Endi boldy ghoy. Filarmoniyada on bes jylday júmys istegen ekem. Jiyrma bes jyl teatrda júmys isteppin. Jiyrma bes jyl konservatoriyada sabaq berdim. Endi qazir múghalimder shәkirtterin әkelip kórsetedi. Solargha kenes berip túram. Biraz jyl demalghannan keyin, qayta barugha tura keldi. Jaraydy, jastargha jol kórseteyin dep bardym. Qaytyp barghanymda, ketkenim dúrys bolghan eken dedim. Qazirgi kezde oqudyng ózi de birtýrli ózgerip ketipti. Sondyqtan, konsulitant bolyp jýrgenim jaqsy. Ózim de sharshaymyn. Kezinde kórsettik, jasadyq. Jetetin shyghar dep oilaymyn. Allam búiyrtsa, kýzde seksenge tolayyn dep otyrmyn. Amanshylyq bolsa, shәkirtterimdi jinap, ózim de әn aityp, shәkirtterimdi kórsetsem degen oiym bar.
- Sizge qazir arnayy zeynetaqy taghayynday ma?
- Ózime tiyesili alatyn zeynetaqym bar. Jylyna bir ret stiypendiya alam. Kóbi bilip alghan. Stiypendiya alghan kezde habarlasyp jatady. "Apa, balamnyng mektepke kiyetin ayaqkiyimi joq edi" deydi bireui. Bireui: "apay, nanyma aqsha joq" dep kelip jatady. Sol kelgenderge azyn-aulaq aqshalay kómektesip túram. Jan jaqtan hat kóp keledi. Keybireuler tipti, әke sheshemning jylyn bereyin dep edim, bir jylqy alugha aqsha berinizshi dep súrap jatady. Qaydan bilsin, Biybigýl apa bolghannan keyin, aqshasy kóp dep oilaytyn shyghar. Áyteuir, ýzdiksiz el-júrttan hattar kelip túrady. Al, ózimning jaghdayyma kelsem, jaman emespin.

Ángimelesken Gýlzina BEKTASOVA,

«Týrkistan» gazeti, №30, 30.07.2009