The Guardian basylymynyn habarlauynsha, oqigha 13 qazanda elding soltýstik-batysyndaghy Ardebil qalasynda bolghan. Iran ústazdary kәsiby qauymdastyghy ýilestiru kenesining mәlimetinshe, sol kýni kýsh qúrylymdarynyng ókilderi qyzdargha arnalghan orta mektepke kelip, ayatollany madaqtaytyn әndi oryndauyn talap etken. Oqushy qyzdar bas tartqan song olar kýsh qoldanghan. Birneshe qyz auruhanagha týsip, qalghandary qamaugha alyndy. 14 qazanda Panahy auruhanada qaytys boldy.

Basylym mәlimetinshe, Irannyng resmy túlghalary bolghan oqigha jauapkershiligin moynymen kóteruden bas tartqan. Asra Panahiyding ólimi elde narazylyq tughyzdy. Sodan keyin memlekettik telearna efiyrinde ózin marqúmnyng nemere aghasymyn dep tanystyrghan bir kisi qyzdy tuabitti jýrek aqauynan qaytys boldy dep mәlimdegen.

Irandaghy narazylyq 22 jastaghy student Mahsa Aminiyding óliminen keyin bastaldy. Polisiya ony kóshede hidjabty dúrys kiymegeni ýshin ústaghan. Tuystarynyng aituynsha, 16 qyrkýiekte Aminy auruhanada auyr soqqy saldarynan qaytys bolghan. Biylik marqúmnyng jýreginde aqau bolghan deydi. Iran әielderi qarsylyq retinde shashyn qyrqyp, hidjab órtey bastady. Myndaghan adam kóshege shyqty. Olar Aminy ólimin tergeudi talap etti.

Tolqular kýshpen basyldy. Ótken aptada biylik mektepterde reyd ótkize bastady. Polisiya qyzmetkerlerining synyptargha basa-kóktey kirip, oqushy qyzdardy avtokólikke kýshpen qamap, mektepterdi kózden jas aghyzatyn gazben atqylap jýrgenin beynejazbalardan kóruge bolady. Iran ústazdarynyng kәsipodaghy búl reydterdi "qatygez әri adamgershilikke jat" dep sipattap, bilim ministri Yusef Nýriyding qyzmetten ketuin talap etti.

Iran Human Rights mәlimetinshe, 17 qazandaghy mәlimet boyynsha eldegi jalpyúlttyq narazylyqtar kezinde 215 adam, sonyng ishinde 27 bala mert bolghan.

Abai.kz