Tirkelmegen Demokratiyalyq partiya jetekshisi, belsendi Janbolat Mamay týrmeden shyghyp, ýiqamaqqa auystyryldy.  Ol aqpan aiynan bastap 8 ay boyy qamauda otyrdy.

Onyng ýstinen ashylghan qylmystyq is boyynsha alghashqy sot otyrysy 7 qarashada ótpek.

Belsendi abaqty aldynda qarsy alghan jaqtastarynyng aldynda «ózine taghylghan aiypty moyyndamaytynyn, shyndyq ýshin kýresetinin» aitty.

«Sizderge kóp raqmet! Búl men ýshin kýtpegen janalyq boldy. SIZO-dan shyghyp, ýige barugha esh dayyndalmaghan edim. 8 jarym aiymdy kamerada ótkizdim. Ayaq astynan bostandyqqa shyghasyn dep qaghaz alyp keldi. Sizderge alghysym sheksiz! Búl – tek qoghamnyng jenisi dep oilaymyn. Búl – tolyq bostandyq emes. Ýiqamaqqa auystyryldym. Eger qogham narazylyq bildirip, halyqaralyq úiymdar qoldau bildirmese, býgingi jaghday oryn almas edi. Maghan taghylghan aiypty men moyyndaghan emespin jәne moyyndamaymyn da. 8 jarym aidan beri men sayasy sebeppen týrmege qamaldym. Densaulyghym óte jaqsy. Oghan qatysty eshqanday aryz-shaghymym joq. Býginge deyingi әlemge degen mening terezem júbayym men qorghaushylarym boldy. Sotta shyndyqty dәleldep kýresuge men dayynmyn», - dedi Janbolat Mamay.

Belsendige zansyz miting úiymdastyrdy, polisiyagha til tiygizdi, jalghan aqparat taratty degen aiyptar taghylghan. Tayauda Janbolat Mamaygha taghylghan «jappay tәrtipsizdik úiymdastyrdy» degen aiyp «Beybit jiyn ótkizu tәrtibin búzu» babymen auystyrylghan.

Abai.kz