Qaljan Núrmahanov. Kezinde ataq-danqy jer jarghan osynday bir myqty aghamyz bolghan. Býkil últtyng maqtanyshy. Órimdey jas kezinde M.Lomonosov atyndaghy Mәskeu memlekettik uniyversiytetin "týrki filologiyasy" mamandyghy boyynsha bitirgen birden-bir qazaq.

Qaljan aghamyz múnymen de shektelmegen, әigili oqu ornyn ayaqtay sala taghy bir ataqty bilim ordasyna - M.Gorikiy atyndaghy Ádebiyet institutynyng aspiranturasyna týsken. Taqyryby - Múhtar Áuezovting romandary. Ghylymy jetekshisi - barshagha aty mәshhýr professor Medina Iskanderovna Bogdanova.

Qaljan - Qazalynyng qazaghy. Auylda ósken qarapayym qara bala. Tirep túrghan eshkimi joq. Parasatty perzent. Jalpaq júrtqa tanymal Jalantós bahadýrding әulettesi. Ár sózin kestelep týsiretin Áyteke biyding jaqyn júraghaty. Tegine tartqan talant. Eki tilge jastayynan jýirik boldy.

Qazalydaghy mektepti bitirip, KazGU-ge týsken asa zerek studentti dana Áuezov birden bayqaydy. Úly Múhang oghan Mәskeude oqugha kenes bergen desedi. Sodan elgezek jigit kelesi jyly Almatydaghy oquyn tastap, әidik shahargha tartyp otyrghan.
Manghaz Mәskeu Qaljan kókemdi jatyrqaghan joq. Ol student bola jýrip, "Drujba narodov" jәne "Znamya" jurnaldarynda әdeby redaktor bolyp qyzmet istedi. Múhtar Áuezovting "Abay" romanynyng 4-tomy turaly resenziyasy osy basylymdardyng birinde jaryq kórdi. Ony aitasyn, sol tomdy orysshagha audaryp shyqqanda nebәri 22 jasta edi. Qaljannyng audarmasyn Leonid Sobolevting ózi jatyp kep maqtaghan. Al osy kitaptyng Mәskeude jaryq kórui tas jarghan talantty qalay qúlshyndyrghanyn baghamday beriniz...
Týrli sebepterge baylanysty dissertasiyasy qorghalmady. Esesine búrynghy odaq júrtshylyghyna keninen tanyla bastady. Sol jyldarda jarqyray kóringen Shynghys Aytmatovpen jan ayaspas dos boldy. Shyqannyng "Jәmilasynan" bastap biraz dýniyesin qazaqshagha audardy. Birqatar piesasyn әkemteatrda sahnalady. Auyr nauqasqa shaldyqqan Qaljan otyz bes jasynda ómirden ótkende Shynghys dosy Almatygha arnayy kelip, óz qolymen jerlepti. Kýni boyy ózi shapqylap jýrip, Kensaydyng enseli bir biyiginen jer tandapty...

Qaljannyng eki-ýsh kitaby jaryq kórdi. Birqatar qoljazbalary joghalyp ketti. Keyin jalghyz qyzy - Marjan Núrmahanova әdepkide akademik Zeynolla Qabdolovtyng jetekshiligimen ghylym enbegin bastap, ardaqty agha ómirden ozghan song Asylan Jaqsylyqovtyng jetekshiligimen "Qaljan Núrmahanovtyng әdeby múrasy" degen taqyrypta kandidattyq dissertasiya qorghady. Júmystyng sәtti qorghaluyna әdebiyettanudyng taghy bir alyby Túrsynbek Kәkishev erekshe tileules boldy. Marjan qyz әli kýnge deyin әkesining múraghatyn janúshyryp izdep, jighan-tergenin jaryqqa shygharudan jalyqqan emes. "Ornynda bar onalar" degen osy... Úsynylyp otyrghan myna suret te Marjannyng jeke arhiyvinen alyndy.
* * *
Biyl asa kórnekti әdebiyet synshysy Qaljan Núrmahanovtyng tughanyna - 95 jyl...

Bauyrjan Omarúly

Abai.kz