Mәjilis deputattary Bas prokurordan qantar oqighasy kezinde memlekettik tónkeris jasaghysy kelgenderding kim ekenin býkpesiz aituyn talap etti.

“Býkil eldi dýr silkindirgen «Qasiretti qantar» oqighasyna 1 jyl boldy. Sol kýnderi halqymyz búryn-sondy bolmaghan qauip-qatermen betpe-bet keldi. Memleketimizding tútastyghy men myzghymas egemendigine zor qauip tóndi. Qantarly kýnderde Tәuelsizdikting qadir-qasiyetin, tynyshtyq pen beybitshilik qanshalyqty manyzdy ekenin jan-jýregimizben sezindik.

Qantardyng basy Manghystauda óris alghany belgili. Oqigha súiytylghan gaz baghasyn tómendetu kerek degen úranmen bastaldy. Basynda beybit týrde bastalghan sherudi arandatushy toptar paydalanyp, onyng sony iri qalalarda tәrtipsizdik pen qayghyly oqighalargha úlasty.

Olar satqyndyq jasap, Memleket basshysyna eldegi ahual turaly jalghan aqparattar berdi. Ishten shyqqan jaular, múqiyat oilastyrylghan auqymdy operasiyada, kәsiby dayyndyqtan ótken baskeser-sodyrlardy esh tartynbastan paydalandy. Iri shaharymyz ayauly Almaty men keybir qalalarymyzda úrystar oryn aldy.Eng súmdyghy ishki jәne syrtqy jaularymyz birige qylmystyq qimyl jasap, biylikke qarsy qoldarynan kelgenin istedi. Olar memlekettik organdargha, strategiyalyq nysandargha, qaru-jaraq dýkenderi men bizneske tiyesili ghimarattargha ayausyz shabuyldar úiymdastyrdy. Shyn mәninde, búl eldik pen memleketimizge tóngen asa qauipti syn-qater edi”, – delingen deputattardyng Bas prokuraturagha joldaghan hatynda.

Búghan deyin «Jana Qazaqstan» deputattyq toby Bas prokurorgha deputattyq saual joldaghan bolatyn.

“Ol saualgha Parlamentte arnayy jauap berildi. Shyndyghyn aitqanda, Mәjilis tórinde memlekettik tónkeriske iytermelegen oqighany múnday keng auqymdy talqylau eshqashan bolmaghan. Qúqyq qorghau organdary tergeu qorytyndylary turaly esep berip, bәri ashyq aityldy. Sol kezde birinshi ret qaytys bolghan 238 adamnyng tizimi men 3 mynnan astam qarudyng úrlanghany habardar etildi. Qoghamdy mazalaghan súraqtardy býkpesiz qoydyq. Birine jauap alsaq, endi keybirine tergeu amaldarynan song naqty jauap aitylady delindi”, – deydi deputattar.

Abai.kz