"Qazaqparat" agenttigining jazuynsha, 36 men 40 jas aralyghyndaghy tórt adam – Daniyar Ábdighaparov, Júmadin Patov, Qanat Jaqaev pen Aydos Núrqaliyevter "asa iri kólemdegi alayaqtyq jasady" degen kýdikke ilingen.

Byltyr kóktemde әleumettik jelide "Altyn orda" bazarynyng bastyghy delinetin Daniyar Ábdighaparovtyng viydeosy taraghan edi. Viydeoda ol Qazaqstan preziydenti Qasym-Jomart Toqaevqa ýndeu jasap, "bazardy reyderlik jolmen tartyp alyp jatyr" degen.

"Altyn orda" bazarynyng basshylyghy ózgergeni jayly Qantar oqighasynan keyin BAQ kóp jazdy. Aqpanda preziydent Toqaev "Altyn orda" bazarynda tәrtip ornatudy tapsyrghan. "Búl jer paydakýnemderge naghyz mayshelpekke ainaldy. Búghan Almatydaghy Qantar oqighasy kezinde anyq kóz jetkizdik. Búl basqa ónirlerge de qatysty mәsele. Qajet bolsa, búl júmysqa qúqyq qorghau organy ókilderi atsalyssyn. Eki ay uaqyt beremin", – degen edi Toqaev.

Aqparat qúraldary 2021 jyly qarashada bazardy jabu turaly sot sheshimi shyqqanyn habarlaghan. Aqparatqa qaraghanda, salyq organdary sotqa "Altyn orda bazary" jauapkershiligi shekteuli seriktestigin joy kerek dep shaghym týsirgen. Oghan bazar basshylarynyng salyq mindettemelerin oryndamauy týrtki bolghan. Sot shaghymdy qanaghattandyryp, sheshim kýshine engen. Ashyq derekkózderge sýiengen Exclusive.kz sayty 2012 jyly qúrylghan "Altyn orda" bazarynyng jyldar boyy mýlde salyq tólemegenin jazady. Sayt bazar basshysynyng búrynghy preziydent Núrsúltan Nazarbaevtyng tughan inisi Bolat Nazarbaevpen birge ortaq biznesi bar deydi.

Bolat Nazarbaev búl mәsele jóninde eshqanday týsinikteme bergen joq.

Búghan deyin Almaty oblysynyng monopoliyagha qarsy departamenti "Altyn Orda QazTrade LTD" kompaniyasyna qarsy әkimshilik is qozghaghan. Sot kompaniyadan "monopoliyalyq jolmen baghany kóteru arqyly alynghan" 46 million tenge tabysyn tәrkilep, 1,4 million tenge mólsherinde aiyppúl salghan.

Abai.kz