Býgin «Qandy qantar» oqighalarynyng basty epiysentri bolghan Almaty qalasyndaghy Nazarbaev kóshesin (avt-búrynghy Furmanov kóshesi) «Qantar» atyna auystyru turaly qalalyq Qoghamdyq kenesting jiyny ótetin bolghan.

Búl turaly ekonomist, energetika salasyndaghy sarapshy Áset Nauryzbaev ózining Facebook әleumettik jeli paraqshasynda jazdy. Biraq artynsha jiynnyng keyinge qaldyrylghany mәlim boldy.

«Almaty Qoghamdyq kenesining otyrysy ótedi. Shahar túrghyndarynan Nazarbaev kóshesine «Qantar» atauyn beru turaly kóptegen úsynys kelip jatyr. Sol sebepti, osy mәseleni kóteretin bolamyn. Dauys beru nәtiyjelerin jariyalaymyn», - degen edi qarjyger.

Almaty әkimi apparatynyng tilderdi damytu jәne onomastika bólimining basshysy Baqyt Qalymbetting aituynsha, jeke adamnyng esimi belgili bir nysangha berilgen kýnnen bastap keminde 10 jyl ótkennen keyin qayta auystyrugha bolady. Óitkeni, Til turaly Zannyng 25-5-baby 4-tarmaghynda osylay dep kórsetilgen.

Jeti shaqyrymgha sozylghan Almatynyng alyp kóshesining birine eks-preziydentting aty berilmey túryp, ol úzaq uaqyt boyyna revolusioner Dmitriy Furmanovtyng esimimen ataldy. 2017 jyly 30 qarashada ótken Almaty qalasy mәslihatynyng VI shaqyrylymynda danghylgha Núrsúltan Nazarbaevtyng esimi berildi. Múnday sheshimning qala túrghyndarynyng úsynysy boyynsha, sonday-aq qalalyq jәne respublikalyq onomastikalyq komissiyalardyng kelisimi boyynsha qabyldanghany aityldy.

Endeshe, zang boyynsha, Nazarbaev kóshesining atyn auystyru 2027 jylgha sәikes kelip túr. Kóshe atauyn «Qantargha» auystyru jóninde búghan deyin birneshe ret aitylghan. «Oyan, Qazaqstan» belsendileri narazylyq aksiyasyn ótkizip, kóshening aty jazylghan taqtayshany alyp tastap, ornyna «Qantar» atauyn ilgen bolatyn.

Búrynghy Mәjilis deputaty Erlan Sairov ónirlerde túrghyndar eks-preziydentting aty berilgen danghyldardyng atauyn ózgertu mәselesin kóterip jatqanyn aitqan bolatyn.

«Biz ónirlerge barghanda, túrghyndar búl mәseleni kóteredi. Óitkeni әr oblysta Núrsúltan Nazarbaevtyng aty berilgen danghyldar bar. Mening oiymsha, búl mәseleni jergilikti dengeyde sheshu kerek. Kóshening atyn auystyru ýshin mәslihat sheshim qabyldaugha tiyis. Jalpy túrghyndar mәselege qatysty ózderining úsynystaryn aityp jatyr, - dedi Erlan Sairov.

Ayta keteyik, 2019 jyly Qazaqstan basshylyghyna Qasym-Jomart Toqaev kelgennen keyin, eldegi oblys ortalyqtarynyng negizgi danghyldary Nazarbaev atauyn ala bastady.

Ayjan Temirhan

Abai.kz