Qazaqstandyq kәsipker jәne «Qazatomprom» kompaniyasynyng búrynghy basshysy Múhtar Jәkishev ukraiynning tanymal jurnaliysi Dmitriy Gordongha súhbat berip, әngime barysynda Ukrainadaghy soghys qashan ayaqtalanyny turaly oiyn bildirdi.

«Putin soghysqa bar kýshin salyp, jenetin de shyghar, biraq naghyz jeniske jete almaydy. Basyp alghan jerdi ústap túru kerek, al ol ústap túra almaydy. Ukraina eshqashan kýshpen basyp ústap túrugha kónbeydi.

Men Ukraina tәuelsizdigin saqtap qalady dep óte qatty ýmittenemin. Qalay desek te, Batystyng Ukrainagha jiberip jatqan qaru-jaraghy, lend-liz әserin bermey qoymaydy. Kezinde Napoleongha deyingi adamdar «Soghys – aqsha, aqsha jәne aqshagha tәueldi» dep aityp ketken. Ukrainagha shetelding kómegi bolmasa, әriyne, jaghdayy qazirgi kezden mýshkil bolar edi. Ne degenmen Reseyding artynda eski bolsa da әskeriy-óndiris kesheni bar ghoy. Eski qaru da adam óltiruge qauqarly. Onyng ýstine Reseyde adam resursy barshylyq. Ári 20-30 adam ólse artynan súrau salyp, dau tudyryp, jauapkershilikke tartatyn demokratiyaly memleket te emes. Múnda milliondap adam ólse de, Putindi eshkim jauapqa tartpaydy. Sol milliondaghan adamnyng basyna aqyl kirip, oilanbayynsha, olar soghysqa óz erkimen kete beretin bolady», - dedi Jәkishev.

Onyng aituynsha, avtoritarly biylikting seneri tek – qaruly kýshi.

«Sol kýshtik qúrylymdar, polisiya:  Men kimdi, neni qorghap jýrmin? Ózimde joq yahtalardy ma, zәulim saraylardy ma, әlde sheteldegi aqshalardy ma dep, oilanyp, tek biylikte otyrghandardy qorghap jýrgenin týsingen kezde, sonday oy basyna kelgen kezde ghana, olar halyqtyng jaghyna shyghady. Qúqyghyn qorghaghan kópshilikting ishinde bolady. Avtoritar biylikting naghyz qorqynyshy da – osy», - dedi ol.

Jәkishev soghystyng qashan bitetinin boljau mýmkin emes, tek Reseyding kýsh-quaty sarqylghanda ghana ayaqtalatynyn aitady.

«Múnday jaghdayda soghystyng qashangha sozylatynyn boljau qiyn. Reseyding әl-dәrmeni ketken kezde ghana bitetin shyghar. Qazir mobilizasiyadan keyin qanshama bilikti mamandar Reseyden ketti. Reseyding qaru men tehnikasyn basqaratyn, shygharatyn mamandar qalmady. Soghysqa kerek tankiler men qaru-jaraqtardy shygharatyn kәsiporyndar toqyraydy dep ýmittenemin. Sizderge shyn jýrekten jenis tileymin», - dedi kәsipker.

Ayjan Temirhan

Abai.kz