"Mahambet Ábjangha bostandyq!", "Tәuelsiz jurnalisterge bostandyq!" degen jazuy bar plakat ústaghan Maqsat Ábjannyng piyketi saghat 12.30-da bastalyp, eki saghatqa jalghasty. Shara Mәngilik el kóshesi boyyndaghy Aqordagha baratyn jayau jýrginshiler jolaghy manynda ótti. Maqsattyng ózi súhbat beruden bas tartty. Al janyndaghy jengesi Gýlzira Dýsembaeva aksiyagha әkimdik rúqsat bergenin jәne piyket birneshe kýn jalghasatynyn habarlady.
"Aksiya býgin bastalyp, 3 nauryzgha deyin jalghasady. Kýn sayyn saghat 12.30-14.30 aralyghynda osy jerge shyghamyz. Jaghdayymyzdy halyq, ministrlikterde isteytin memlekettik qyzmetkerler bilse eken deymin. Kópshilik bilgenin qalaymyz" dedi Azattyqqa Mahambet Ábjannyng әieli.
Dýisebaevanyng sózinshe, aksiya bastalghan kezde әkimdik qyzmetkerleri kelip, jón súrap, ketip qalghan. Ol manaydy birneshe poliysey men qarapayym kiyim kiygen azamat alystan baqylap túrghanyn aitty. Azattyq tilshisi de ministrlikter ýii ghimaraty manynda birneshe organ qyzmetkeri túrghanyn bayqady.
"Ary-beri ótken kisiler "Ne istep túrsyndar, búl kim, ne ýshin sottalghan?" dep súrady. Olargha Mahambet kim ekenin, nemen ainalysqanyn aityp, týsindirdik. Shynyn aitsam, jaghdayymyz ortasha. Biraq sonyna deyin kýresuge әzirmiz. Toghyz jyl degen súmdyq qoy. Mahambetke jәne basqa da tәuelsiz jurnalisterge bostandyq talap etemiz" dedi Gýlzira Dýsembaeva.
3 aqpanda Astana soty jurnalist Mahambet Ábjandy toghyz jylgha bas bostandyghynan aiyru turaly ýkim kesken. Ábjangha "kórineu jalghan aqparat taratu" (274-baptyng 3-bóligi) jәne "bopsalau" (194-baptyng 4-bóligi, 2-tarmaghy) baptary boyynsha aiyp taghylghan. 39 jastaghy jurnalist әri bloger Mahambet Ábjandy sybaylas jemqorlyqqa qarsy is-qimyl agenttigi byltyr 3 shildede tútqyndaghan. Agenttik "ol bir kәsipkerden 50 million tenge bopsalady" dep habarlaghan. Ábjan advokaty arqyly taghylghan aiyptardy joqqa shygharghan.
2017 jyly Mahambet Ábjan "alayaqtyq" baby boyynsha 3,5 jylgha bas bostandyghynan aiyrylghan. 2019 jyly shartty jaza alyp, merziminen búryn bostandyqqa shyqqan.
"Jurnalisterdi qorghau komiyteti" byltyr ýkimetti synap jýrgen jurnalisting ústalghanyna alandaushylyq bildirdi.
"Shekarasyz tilshiler" halyqaralyq úiymynyng "Sóz bostandyghy indeksinde" Qazaqstan 180 elding arasynda 122-orynda túr. Elde sóz bostandyghyna qatysty ahual kýrdeli dep baghalanady.
Abai.kz
