AQSh preziydenti Djozef Bayden Ukrainagha saparynda Reseyding ózi bastaghan agressiyalyq soghysynda jenilgeli túrghanyn sóz etti. Búl turaly «Evropeyskaya pravda» habarlady.

Aq ýiding qojayyny Putinning Ukrainagha basyp kirgesin bir jyldan keyin jenilip jatqanyn, onyng búl «basqynshylyq soghysta ózi de qúritynyn, elin de kýiretetinin» aitty.

– Putin Ukraina әlsiz, al Batys bólinip ketken dep oilady. Býkil әlemning kóz aldynda tútas bir memleketti ózine tizerletip qoymaq boldy. Sóitip, bizden asyp týsemin dep oilady. Al qazir ol búlay dep oilamaydy dep oilaymyn, – dedi Bayden Ukraina preziydenti Vladimir Zelenikiymen qatarlasyp túryp.

Onyng aituynsha, Putin anyq qatty qatelesken.

– Onyng dәleli arada bir jyl ótkende osy jerden, osy bólmeden kórinip túr. Biz osy jerde Ukraina preziydentimen birge túrmyz, – dedi Bayden.

Resey soghys ashqan kezden keyin Baydenning Ukrainagha birinshi ret kelip túruynyng ózi AQSh-tyng Ukraina men onyng halqyna jasap jýrgen qoldauynyng jalghasyp jatqanyn tanytatyn simvoldyq sәt bolyp otyr.

Djo Bayden ukrain halqynyng ózderine demokratiyanyng mәnine jetuge kómekteskenderin, osy arqyly ózderin erekshe túrghyda tanytqandaryn aitty.

AQSh preziydenti óz sózinde soghystyng bastalghan jәne Resey әskerlerining Ukraina shekarasynyng óne boyyna ýiilip-tógilip kelip jatqanyn baqylap otyrghan әlemning ýreyge berilgen shaghyn eske týsirdi. Sonday-aq ol «Resey úshaqtary әuege kóterilip, tankteri shekarany kesip ótip jatqan» sol kezderde ózining Zelenskiymen telefonmen qalay sóileskenin aityp berdi.

– Siz maghan art jaghynyzda bolyp jatqan jarylystar dauysyn mening estigen-estimegenimdi súradynyz. Men múny eshqashan úmytpaymyn, – dep mәlimdedi ol.

Odan әri AQSh preziydenti Zelenskiymen telefonmen әngimesindegi taghy bir jaytty eske aldy.

– Sol kezde men sizge әlem әne-mine degenshe ózgeredi. Álem liyderlerin jinanyz. Olardan Ukrainagha qoldau kórsetudi súranyz. Siz bizding endi taghy qashan әngimelese alatynymyzdy bilmeytininizdi aittynyz. Bir jyl búryn sol qaranghy týni býkil әlem shyn mәninde Kiyevting qúlauyna dayyndalyp otyrdy. Bәlki, Ukrainanyng da aqyry jetuin kýtken shyghar. Arada bir jyl ótti, Kiyev ornynda túr. Ukraina da ornynda. Demokratiya ornynda, amerikalyqtar, әlem sizdermen birge túr, – dedi ol.

Bayden sonday-aq Kiyev «jýregining bir bóligin jaulap alghanyn» aitty.

AQSh preziydenti Djo Bayden Kiyevke sapary barysynda Qúrama Shtattar atynan 500 mln dollar túratyn әskery kómekting jana paketi beriletinin jәne Reseyge agressiyasy ýshin qosymsha sanksiyalar jasalghaly jatqanyn da mәlimdedi. Sonday-aq Japoniya premier-ministri Fumio Kisida Ukrainagha 5,5 mlrd dollar kóleminde qarjylay qoldaudyng jana paketi úsynylghanyn jariyalady.

Osy kýni Kiyevte, Jogharghy rada janyndaghy Batyldyq alleyasynda AQSh preziydenti Djozef Baydenge arnalghan qalaqsha ornatyldy. Osy rәsimge qatysqan mәrtebeli meyman artynan eline úshyp ketti.

Abai.kz