Qazaqstan Jurnalister odaghynyng basqarma tóraghasy Seyitqazy Mataev qala túrghyndarynyng ózekti mәselelerin qysqa merzimde sheshuge bolatyndyghy turaly aitty. Búl turaly preziydent Toqaev birneshe ret aitqan, biraq oryndau barlyq instansiyalarda bayaulap túr.

Atap aitqanda, Mataev qala túrghyndaryn qoljetimdi baspanamen qamtamasyz etu mәselesin kóterdi.

"Qazaqstanda ótken jyly 15,5 mln sharshy metr túrghyn ýy salyndy. Eger jas otbasyna 42 sh.m. eseptegende, eger sayasat әleumettik baghdarlanghan bolsa, 370 myngha juyq otbasy jana baspana ala alar edi. Búl tek bir jyl ishinde engizilgen kólem, al 30 jyl ishinde 11 mln-nan astam otbasy (eskertpe: 2022 jylghy qarashadaghy jaghday boyynsha Qazaqstanda túrghyn ýige kezekte 622 mynnan astam adam túr) jana pәterlerde jәne ýilerde túra alady, tolyq salynbaghan ýiler men verendada ómir sýrmey, jalgha beriletin pәterlerge jasandy týrde kóterilgen baghany tólemes edi", - dep jazdy S. Mataev.

Túrghyn ýy qúrylysynyng qarqyny óte joghary. Qantar aiynda Ýkimetting aqparatyna sәikes 1 mln sharshy metrden astam túrghyn ýy paydalanugha berildi.

Mataev 2019 jyldyng aqpan aiynda Astanadaghy vremyanka ýide órt kezinde bes apaly-sinlili qaza tapqan qayghyly oqighany eske saldy. Sol kezde biylik әleumettik múqtaj halyqtyng mәselelerin sheshuge uәde berdi. Esterinizge sala keteyik, BAQ órt týnde bastalghany jayly jazghan edi, al ata-analary búl uaqytta júmysta bolghan, balalar ýide jalghyz úiyqtap jatqan. Kópbalaly otbasy aqshagha óte múqtaj boldy, biraq biylik olardy әleumettik túrghyn ýige kezekke qoymay, balabaqshalarda oryn bermegen.

"Preziydent Toqaev Ýkimetke birneshe ret jas otbasylargha qoldau paketin әzirlep, engizudi tapsyrdy. Búl tapsyrmanyng tejelip qaluyna bolmaydy. Halyqtyng әleumettik osal toptary, sonyng ishinde balalar ýiining týlekteri ondaghan jyldar boyy óz ýilerin kýtude. Túrghyn ýy - ekonomikanyng negizi. Túrghyn ýiler úrlyq pen jemqorlyqpen ainalyspay, óz enbegimen nan tauyp jýrgen adamdar ýshin qol jetimdi emes. Biylik jastargha jenildikpen nesie beru baghdarlamasynyng budjetin úlghaytuy kerek, al "Otbasy bankke" - jenildikpen nesie beru mólsherlemesin tómendetui qajet", - dep esepteydi Mataev.

Alayda, barlyq aitylghan bastamalargha qaramastan, elde әli de kóptegen adamdar óz baspanalaryn ala almaydy. Últtyq statistika burosynyng mәlimeti boyynsha, ótken jyldyng jeltoqsan aiynda halyqtyng jan basyna shaqqandaghy ortasha nominaldy aqshalay tabysy 149 510 tengeni qúrady. Bir jyl ishinde túrghyndardyng tabysy 13% - gha tómendedi, al inflyasiya bir jyldaghy kórsetkishten 20% - dan asty.

"Túrghyn ýy - bizding ómirimizding negizi. Tabys pen shyghystardyng tengerimsizdigi kezinde týbegeyli sharalar qabyldanuy kerek. Qúrylys kompaniyalarynyng tabystary keremet, olar adamdargha tiyesili jerlerdi basyp alyp, kóp qabatty ghimarattar túrghyzuda. Sayyp kelgende: qúrylys kompaniyalary óz halqynan aqsha tabady, al túrghyndar baspanasyz tentirep jýr. Salany dúrys rettey otyryp, qalypty tәsil qoldansaq, әrbir qazaqstandyq qoljetimdi jәne sapaly baspana ala alady", - dep esepteydi Mataev.

S. Mataev biylikti túrghyn ýy salasyn erekshe baqylaugha alugha shaqyrady.

"Men túrghyn ýy qúrylys jinaq bankining (qazirgi "Otbasy bank") qoghamdyq kenesining basshysy boldym, biz Qazaqstannyng әrbir ónirin aralap, jergilikti jerlerdegi ónirlerding әkimderi bizge qatyrylghan nemese problemaly túrghyn ýy keshenderin iske qosu boyynsha naqty jauap bergenge deyin ketpeytinbiz. Halyqpen birge qúrylys alandaryn aralap, sheneunikterdi sol jerde mәselelerdi sheshuge mәjbýr ettik, osylaysha myndaghan otbasylar merziminde pәter aldy. Osynday baqylaumen Qazaqstanda biz barlyghyn qoljetimdi jәne jayly baspanamen qamtamasyz ete alamyz", - dep jazdy S. Mataev.

Sonymen qatar, Mataev sheteldik avtomobiliderdi zandastyru jobasyna úqsas jer uchaskelerin zandastyru jәne jeke túrghyn ýy qúrylystaryn zandastyru boyynsha birjolghy aksiyany ótkizudi jedeldetudi úsynady.

Abai.kz