Nazarbaev shegendep ketken shekaradan Kýdebaevtyng qashyp ketkeni esterinizde bolar? Almaty oblysy polisiya departamentining búrynghy bastyghy aqyry Stambulda ústalypty. Qazir uaqytsha ústau izolyatorynda qamauda otyr.  Onyng qalay qashqany, nege bas bostandyghyn Týrkiyadan izdegeni kóp sarapshynyng kýlkisin keltirdi. Óitkeni Týrkiyamen arada ekstradisiya boyynsha kelisim bar ekenin qashaghan general jaqsy biletin edi.

Qazaqstannyng janaryp ketkeni ras bolsa, Kýdebaev endi bostandyqtan kemi 8 jyl kýderin ýzui kerek. Múnyng aldynda súiytylghan múnay gazyn satyp alu kezinde 14,5 mlrd tengeni qylmystyq jolmen zandastyrghany ýshin aiyptalghan Qayrat Boranbaev ta 8 jylgha sottalghan. Al «Qayrat Boranbaevqa «Ortalyq stadion» manynan jer alyp beru ýshin zang talaptaryn búzghan» degen sybys taraghan taghy bir qashaghan Bauyrjan Baybek qashan tútqyngha týsedi?

Key sarapshylar 2023 jyldyng ayaghyna deyin jaqynda ghana Germaniyadan tóbe kórsetken Bauyrjan Baybekting ýstinen qylmystyq is qozghalady deydi.  Oghan Almaty qalasynyng jerlerin oligarhtargha ýlestirgen degen aiyp taghylady dep boljaydy. Derekkózderge sensek, mahinasiyalar sany boyynsha Baybek Hrapunovtan keyin ekinshi orynda túr eken. Tórt jyl týkirigi jerge týspey Almaty qalasynyng әkimi bolghan Baybek myrza osy aralyqta bylyqqa batqan kórinedi.

Eks-әkimning «dәuirlegen» kezeni demalys aimaqtary men zanmen qorghalatyn jerlerdi memleket menshiginen shygharyp, oligarhtargha berumen erekshelendi. Sonyng nәtiyjesinde «Esentay», «Kóktóbe» syndy sany kóp elitalyq túrghyn ýy kesheni payda boldy. Medeu, Bostandyq, Nauryzbay audandarynyng qúrylys josparlary qayta-qayta týzetildi. Búdan basqa, Medeu jәne Bostandyq audandarynda 116 gektardan astam tabighy zonalar men demalys oryndary kottedjder men kóppәterli ýiler salu ýshin aqshalary bar aq jaghalylargha satylyp ketti.

Tughan hәm toyghan jerinen shyghandap ketken Baybekting jarlyghymen әl-Faraby atyndaghy QazÚU-dyng jerleri «Omiyreks» pen «Atlas development» firmalarynyng dәrgeyine ótken. Eng qyzyghy (tanghalatyn jayt emes), eki firmanyng da negizin – qalaghan shekara shegendegish kisining erke qyzy Dinara Qúlybaeva.

Eks-әkim qazir Soltýstik Kiprde degen aqparat bar. Al ony Jana Qazaqstan ekstradisiyalay ala ma?

Asylan Quanyshúly

Abai.kz