Olardyng - 41-i bala, ýsheui jýkti әielder. Búl turaly oblystyq sanitarlyq-epiydemiologiyalyq baqylau departamenti habarlady.

Kentau qalalyq ortalyq auruhanasynyng dereginshe, ulanghandar auruhanagha 27 mausymda týse bastaghan. Jan saqtau bólimine jatqyzylghandar bólimshelerge shyqqan. Ulanghandardyng ýsheui – jýkti әiel, 41-i – 14 jasqa tolmaghan balalar.

Ulanghandardyng deni qúsyp, dene qyzuy kóterilgen.

"Nauqastardyng bәri dene qyzuynyng kóterilui, qúsu siyaqty belgilerge shaghymdandy. Olar auruyn "Rizyq Rauana" dәmhanasynda satyp alynghan azyq-týlik ónimderin paydalanumen baylanystyrady. Býginde dәmhananyng qyzmeti toqtatylyp, jospardan tys tekseru bastaldy. Oblystyq sanitarlyq-epiydemiologiyalyq baqylau departamenti mamandary júmyldyryldy. Qylmystyq is qozghaldy. Qazir auru oshaghynda epiydemiyagha qarsy sharalar jalghasyp jatyr", dedi densaulyq saqtau viyse-ministri, bas memlekettik sanitariya dәrigeri Ayjan Esmaghambetova.

Oblystyq polisiya departamenti ulanu deregi boyynsha «Sanitariya qaghidalaryn nemese gigiyenalyq normativterdi búzu» babymen (304-bap) qylmystyq is tirkelgenin habarlady. Tergeu bastalghan.

Aqparatqa qaraghanda, “Rizyq Rauany” tamaqtanu ortalyghynan adamdar jappay osymen ýshinshi ret ulanyp otyr. 2022 jyly tamyz aiynda – 8 adam, qazan aiynda 168 adam ulanghan. Birinshi derek boyynsha aiyppúl salynghan, ekinshi derek boyynsha qylmystyq is ashylyp, eki jaqtyng kelisimimen toqtatylghan.

Abai.kz