ولاردىڭ - 41-ءى بالا، ۇشەۋى جۇكتى ايەلدەر. بۇل تۋرالى وبلىستىق سانيتارلىق-ەپيدەميولوگيالىق باقىلاۋ دەپارتامەنتى حابارلادى.

كەنتاۋ قالالىق ورتالىق اۋرۋحاناسىنىڭ دەرەگىنشە، ۋلانعاندار اۋرۋحاناعا 27 ماۋسىمدا تۇسە باستاعان. جان ساقتاۋ بولىمىنە جاتقىزىلعاندار بولىمشەلەرگە شىققان. ۋلانعانداردىڭ ۇشەۋى – جۇكتى ايەل، 41-ءى – 14 جاسقا تولماعان بالالار.

ۋلانعانداردىڭ دەنى قۇسىپ، دەنە قىزۋى كوتەرىلگەن.

"ناۋقاستاردىڭ ءبارى دەنە قىزۋىنىڭ كوتەرىلۋى، قۇسۋ سياقتى بەلگىلەرگە شاعىمداندى. ولار اۋرۋىن "ريزىق راۋانا" ءدامحاناسىندا ساتىپ الىنعان ازىق-تۇلىك ونىمدەرىن پايدالانۋمەن بايلانىستىرادى. بۇگىندە ءدامحانانىڭ قىزمەتى توقتاتىلىپ، جوسپاردان تىس تەكسەرۋ باستالدى. وبلىستىق سانيتارلىق-ەپيدەميولوگيالىق باقىلاۋ دەپارتامەنتى ماماندارى جۇمىلدىرىلدى. قىلمىستىق ءىس قوزعالدى. قازىر اۋرۋ وشاعىندا ەپيدەمياعا قارسى شارالار جالعاسىپ جاتىر", دەدى دەنساۋلىق ساقتاۋ ۆيتسە-ءمينيسترى، باس مەملەكەتتىك سانيتاريا دارىگەرى ايجان ەسماعامبەتوۆا.

وبلىستىق پوليتسيا دەپارتامەنتى ۋلانۋ دەرەگى بويىنشا «سانيتاريا قاعيدالارىن نەمەسە گيگيەنالىق نورماتيۆتەردى بۇزۋ» بابىمەن (304-باپ) قىلمىستىق ءىس تىركەلگەنىن حابارلادى. تەرگەۋ باستالعان.

اقپاراتقا قاراعاندا، “ريزىق راۋانى” تاماقتانۋ ورتالىعىنان ادامدار جاپپاي وسىمەن ءۇشىنشى رەت ۋلانىپ وتىر. 2022 جىلى تامىز ايىندا – 8 ادام، قازان ايىندا 168 ادام ۋلانعان. ءبىرىنشى دەرەك بويىنشا ايىپپۇل سالىنعان، ەكىنشى دەرەك بويىنشا قىلمىستىق ءىس اشىلىپ، ەكى جاقتىڭ كەلىسىمىمەن توقتاتىلعان.

Abai.kz