Europarlament deputattary kópshilik dauyspen Qyrghyzstandaghy adam qúqyqtarynyng ahualyna, sóz erkindigine jәne aqparat qúraldaryna qatysty qysymdy aiyptaghan rezolusiyany qabyldady.
Onda "Qyrghyzstanda 2022 jyldyng qantarynan bastap adam qúqyqtary jәne sóz erkindigi ahualy nasharlap ketkeni" aitylghan.
SIM taratqan mәlimdemede "Europa parlamentining ayaq astynan jәne asyghys týrde qabyldaghan, shyndyqqa janaspaytyn rezolusiyasyna qatysty ókinishin bildiredi", - dep jazylghan.
Sonymen birge rezolusiyany dayyndauda qyrghyz taraptan qosymsha mәlimet súramaghany da aitylghan.
Evroparlament rezolusiyada Qyrghyzstanda talqylanyp jatqan tórt zang jobasy - "Búqaralyq aqparat qúraldary", "Ýkimettik emes úiymdar", "Sheteldik ókil" jәne "Balalardy ziyandy mәlimetten qorghau jónindegi" zang jobalaryn keri qaytarudy ýndep, eger búl zang jobalary qabyldansa, adam qúqyqtary ahualy kýrt nasharlaydy dep eskertken.
Búdan bólek Azattyq radiosynyng qyzmetin toqtatu әreketi de pikir bildiru erkindigining búzyluy retinde aiyptaghan.
Halyqaralyq Freedom House úiymy "Dýniyejýzindegi erkindik - 2023" atty jana bayandamasynda Qyrghyzstanda ýshinshi jyl qatarynan "erkin emes" elder qataryna qosqan.
"Shekarasyz tilshiler" úiymynyng baspasóz erkindigi indeksinde Qyrghyzstan 180 memleket arasynan 122-oryngha týsken.
