Týrkistan oblysynyng Saryaghash audanynda 5 jasar qyz balany azaptap óltiru oqighasyna qatysty qylmystyq is qozghaldy, dep habarlaydy Bas prokuraturanyng resmy sayty.

«13 shildede Týrkistan oblysynyng Saryaghash audanynda zorlyqpen óltiru belgileri bar jas qyzdyng mәiiti tabyldy. Sol kýni polisiya qyzmetkerleri osy qylmysty jasady degen kýdikpen búryn birneshe ret sotty bolghan audan túrghynyn ústaldy jәne ol uaqytsha ústau izolyatoryna qamaldy. Búl fakt boyynsha Qylmystyq kodeksting 99-babynyng 3-bóligi (kәmeletke tolmaghan balany óltiru) boyynsha sotqa deyingi tergeu bastaldy. Memleket basshysynyng tapsyrmasymen bolghan oqighanyng býkil mәn-jayy anyqtalady», - delingen vedomstvo aqparatynda.

Prokuratura úsynghan mәlmetke say, kýdikti 2006 jyly 10 jylgha sottalghan.

Al biyl mamyrda ishimdik iship, janjal kezinde auyldasyn baltamen úrghany ýshin 3 jylgha bas bostandyghy shektelgen.

«Bas prokuratura atalghan ýkimge jazany qatandatu jәne bas bostandyghynan aiyrudy taghayyndau turaly kassasiyalyq narazylyq týsirdi. Probasiyalyq baqylauda bolghan G. asa auyr qylmys jasaghanyn eskere otyryp, probasiya qyzmetkerlerine qatysty salghyrttyq faktisi boyynsha sotqa deyingi tergep-tekseru bastaldy. Preziydentting tapsyrmasyna sәikes, jeke adamgha qarsy asa qauipti qylmystar ýshin qylmystyq jauapkershilikti kýsheytuge baghyttalghan zannamalyq týzetuler toptamasy әzirlenude», - dep jazylghan vedomstvonyng saytynda jariyalanghan habarlamada.

Ayta keteyik, Memleket basshysy Týrkistan oblysyndaghy qayghyly oqighanyng mәn-jayyn múqiyat tekserudi tapsyrghan bolatyn.

Al, býgin kisi qolynan kóz júmghan 5 jasar býldirshinning denesi jer qoynyna tapsyryldy.

Týrkistan oblystyq soty osy uaqytqa deyin adam óltirip, 10 jyl týrmede otyryp kelgen adamnyng nelikten shartty jazagha kesilgenin týsindirdi.

Foto: ashyq derekkózden

Abai.kz