Premier-ministr Álihan Smayylov ortalyq memlekettik organdar, Bas prokuratura, BQDA, QMA jәne basqa da vedomstvolar basshylarynyng qatysuymen Ekonomikany demonopolizasiyalau jónindegi komissiyanyng kezekti otyrysyn ótkizdi, dep habarlady Halyq Uni tilshisi.

Jiyngha qatysushylar joghary bilim salasyndaghy búryn jeke menshikke ótken keybir aktivterdi memleket menshigine qaytaru mәselesin talqylady.

Premier-ministr qúzyrly memlekettik organdargha tiyisti qújattar men sharttardy tekserip, olardyng zandylyghyna qúqyqtyq bagha berudi tapsyrdy. Búl rette Álihan Smayylov atalghan oqu oryndaryndaghy oqu prosesining tolyq túraqtylyghyn qamtamasyz etu qajettiligine toqtaldy. Óitkeni bastalghan tekseru studentterge de, uniyversiytet qyzmetkerlerine de qatysty emes.

Keneste Qaraghandy oblysynyng 30-gha juyq eldi mekenin elektr quatymen qamtamasyz etip otyrghan jekemenshik energetikalyq kompaniyanyng júmysy da qaraldy. Kәsiporyn menshigindegi elektr jelilerining әbden tozyghy jetkeni atap ótildi. Osy rette jóndeu júmystary jýrgizilmeydi әri apattyq brigadalar tapshy. Jalpy tekseru barysynda anyqtalghan búzushylyqtar joyylmaghan. Osyghan baylanysty jergilikti túrghyndar elektr quatynyng tapshylyghyna, jii sebepsiz óship qaluyna, keri baylanystyng tolyq bolmauyna jәne taghy basqa mәseleler boyynsha shaghymdar aityp jatyr.

Álihan Smayylov kәsiporyngha qatysty jinalghan materialdardy taldau jәne qalyptasqan jaghdaygha qúqyqtyq bagha beru ýshin Bas prokuraturagha berudi tapsyrdy. Sonday-aq kenes barysynda temirjol kóligi salasynda da birqatar monopoliyagha qarsy sharalardy iske asyru mәselesi qaraldy.

Abai.kz