Qazaqstan Ýkimeti tarapynan Manghystau atom energetikalyq keshenining (MAEK) senimdi әri túraqty júmysyn qamtamasyz etu ýshin jedel sharalar qabyldanyp jatyr, dep habarlaydy Ýkimetting resmy sayty.

Manghystau oblysy әkimdigining súranysy boyynsha MAEK-te jóndeu júmystaryn jýrgizuge QR Ýkimetining rezervinen shamamen 4,9 mlrd tenge somasynda qarjy bólindi. Búghan qatysty QR Ýkimeti tiyisti qauly qabyldady.

«MAEK» JShS úsynghan tizim negizinde qajetti qosalqy jabdyqtar men toraptardy (komponentterdi) satyp alugha qarjylandyru tetikteri qarastyryldy. Apattyq jaghdaydaghy qúramdas bólikterdi auystyru elektr stansalarynyng generasiyalaushy jabdyqtaryn toqtatu jәne tútynushylar ýshin shekteuler engizu tәuekelderin barynsha azayta otyryp, jabdyqtyng tehnikalyq jay-kýii men júmysqa qabilettiligin saqtaugha jәne júmys kezinde olardyng senimdiligi men qauipsizdigin baqylaugha mýmkindik beredi.

Eske sala keteyik, MAEK pen AMÓZ-de oryn alghan apattardyng sebepterin tekseru jónindegi memlekettik komissiya júmysynyng qorytyndysyna sәikes energiya kәsiporyndarynyng júmysyndaghy jýielik kemshilikter anyqtalghan bolatyn. Keleshekte múnday daghdarystyq jaghdaylardyng aldyn alu ýshin Ýkimet birqatar shúghyl әri jýieli sharalardy qolgha almaq. Olardyng qatarynda «MAEK» JShS-ny janghyrtu jәne kýrdeli jóndeu, batys energetika aimaghyn nyghaytu, AMÓZ-di syrtqy elektr quatymen túraqty qamtamasyz etu jәne onda ózining jeke energiya kózin salu, batys aimaqty Qazaqstannyng Birynghay elektr energetikalyq jýiesimen baylanystyru jәne t. b. bar.

Abai.kz