Almatyda «Mereyli otbasy» últtyq bayqauynyng jenimpazdary anyqtaldy. Respublikalyq konkurstyng qalalyq kezeninde ýzdik atanghandar saltanatty týrde marapattaldy. Otbasylar dodasy biyl da jyl sayynghy dәstýr boyynsha Halyqaralyq otbasy kýnine oray 15 mamyr kýni bastalghan edi, dep habarlaydy Almaty.tv.

Mereyli otbasy atanyp, respublikalyq kezenge joldama alghan – Sybanbekovter otbasy. Bolat Quanyshbekúly men Sana Shayhanqyzy – kópbalaly ata-ana. Olar otbasylyq kәsippen ainalysady. Qayyrymdy әulet kóp jyldan beri jaghdayy tómen janúyalargha kómek qolyn sozady. «Mektepke jol» aksiyasy ayasynda jylda 300-den astam balany mektep formasy, oqugha qajet qúraldarmen qamtamasyz etedi. Mereyli otbasynda «qayyrymdylyq jýrekti núrlandyrady, ómirge mәn darytady» degen jazylmaghan qaghida saqtalghan.

– Óz basym múnday konkursqa birinshi ret kelip otyrmyn. Al Sybanbekovter otbasy birneshe konkursqa qatysyp, jenimpaz atanghan. Búl jolghy sayys ta jaqsy ótti, – dedi qala túrghyny Zayra Boshanova.

Últtyq bayqaugha qatysugha ótinimder mamyr-shilde ailarynda qabyldanghan. Biyl 232 otbasy konkursqa qatysugha niyet bildirgen. Aldymen audandyq komissiyanyng qarauynan ótip, qalalyq kezenge 16 әulet joldama alghan. Sybanbekovter otbasynan bólek, audanaralyq kezende mereyi ýstem bolghan otbasylar da marapattaldy.

– Respublikalyq konkursqa qatysqan kezde ózin kórsete alatyn, jetken jetistikteri mol, úrpaghyna tamasha tәlim-tәrbie bergen, olardyng ómirde óz ornyn tabugha yqpal etken jәne sonyng iygiligin eli de, ata-ananyng ózi de kórip otyrghan janúyanyng ozyp shyghuy bәrimizdi quantuy kerek, – dedi Qazaqstannyng Enbek eri Ayagýl Mirazova.

Komissiya qúramynda qala әkimi men orynbasary, birneshe basqarma basshysy, sonday-aq ýkimettik emes úiymdardyng ókilderi, mәslihat deputattary jәne qalanyng qúrmetti azamattary boldy.

– Qalalyq komissiya jenimpazdardy anyqtauda mynaday kriyteriylerge basa nazar audardy. Olar otbasynyng jetistigi, otbasynyng bos uaqytta nemen ainalysatyny, qoghamdyq júmysqa aralasuy, jәdigerleri, otbasy qyzyghushylyghy, – dedi Qoghamdyq damu basqarmasynyng bas mamany Aqbota Sadyq.

Qogham nazaryn otbasylyq qúndylyqtardy saqtaugha audaryp, ony dәripteu maqsatynda elimizde әr jyl sayyn «Mereyli otbasy» últtyq bayqauyn ótkizu dәstýrge ainalghan. Biyl Respublika kólemindegi konkurstyng bastau alghanyna 10 jyl boldy.

Abai.kz