Qajymúqan Múnaytpasov atyndaghy ortalyq stadionnyng ornyna jana nysan salynady. Búl turaly Astana qalasy Dene shynyqtyru jәne sport basqarmasynyng basshysy Samat Jylqybaev aitty.

«Qajymúqan Múnaytpasov atyndaghy stadionda 2022 jyly jýrgizilgen tehnikalyq saraptamagha sәikes, qazirgi stadion tribunasy apatty jaghdayda ekeni naqtylandy. Qúrylys konstruksiyalarynyng tozuynan nysan adamdar ýshin qauipsiz emes. Búl túrghyda qazirgi stadiondy búzyp, jana stadion salu josparlanyp otyr», - dedi S. Jylqybaev Astana qalasy kommunikasiyalar qyzmetindegi baspasóz mәslihatynda.

Aytuynsha, qazir Qúrylys basqarmasy jobalau-smetalyq qújattaryn dayyndaumen ainalysyp jatyr.

«Josparlanghan stadion UEFA-3 standarty boyynsha salynady, onyng syiymdylyghy 4,5 myng adamdy qamtidy. Jobalau-smetalyq qújattama ayaqtalugha jaqyndady. Joba ayasynda saraptamanyng ong qorytyndysyn alghannan keyin, qúrylys-montajdau júmystaryn jýrgizuge memlekettik satyp alu konkursy jariyalanady. Onda normativtik qúrylys merzimi 18-24 aidan kem bolmaydy. Nysandy paydalanugha beru 2025 jylgha josparlanghan. 2025 jyly osy nysanda iri jarystar ótedi dep oilaymyn», - dedi basqarma basshysy.

Búdan búryn habarlanghanday, 2021 jyly qala әkimdigi Qajymúqan Múnaytpasov atyndaghy ortalyq stadionnyng jana ghimaratyn salu ýshin eskizdik joba jasalyp jatqanyn jariyalady. Sol kezde stadion apattyq jaghdayda túrghany aitylghan edi.

Foto: ashyq derekkózden

Abai.kz