Soltýstik Qazaqstan oblysy Sergeev su torabynyng tómengi bóliginde ornalasqan Esil ózeninde balyq qyryldy.

SQO Ekologiya departamentining mәlimetinshe, oqigha ornyna ekologtar, Esil basseyndik balyq sharuashylyghy inspeksiyasy, Tabighy resurstar jәne tabighat paydalanudy retteu basqarmasy, Shal aqyn audanynyng veterinariya qyzmeti, «Balyq sharuashylyghynyng ghylymiy-óndiristik ortalyghy» JShS qyzmetkerlerinen túratyn júmys toby bardy.

Esil ózenining jaghalauy tekserilip, komissiya balyqtyng nәlim men kókserke týrining shamamen 30-40 kelisi qyrylghanyn anyqtady.

Ekologiya departamentining qyzmetkerleri su synamalaryn, al veterinariya qyzmetining mamandary zerthanalyq zertteuler jýrgizu ýshin balyqtardyng óleksesin aldy.

Jergilikti atqarushy organdar sanitarlyq normalardy saqtay otyryp, qyrylghan balyqty jinap alyp, joydy.

Zertteu nәtiyjelerinen keyin qosymsha aqparat beriletini habarlandy.

Tamyz aiynyng basynda SQO Jambyl audanyndaghy Pitnoe kólinde balyq qyrylghany aitylghan. Mamandardyng esebi boyynsha sentnerge juyq mónke men alabúgha balyghy ólgen. Su jәndikterining neden qyrylghanyn anyqtau ýshin kól suynyng synamasy, sonday-aq ólgen balyqtyng úshasy laboratoriyalyq saraptamalar jýrgizu ýshin alyndy.

Aldyn ala boljam boyynsha, kýnning ystyghynan kól suy tartylyp ketken. Sudyng qatty jyluynan su ósimdikteri shirip, uly gaz bólui mýmkin. Ázirge zertteu qorytyndysy kelgen joq.

Foto: ashyq derekkózden

Abai.kz