Mәskeu Aqordagha qyrghyz biyligi arqyly qysym jasamaqshy. Sanksiyagha ilikkisi kelmeytin Qazaqstan tyiym salynghan tauarlardy óz aumaghy ótkizuge qatang shekteu qoyghan. 

Toqaevty tәubesine týsiruding bir amaly - shantaj. Kremli iydeologtary bastauyn qyrghyz jerinen alatyn ózenderding (Shu men Talas) shýmegin búrap, su mәselesin saudagha salmaq. Batyspen arasy suyy bastaghan Japarov biyligining Mәskeuding jetegine eruden ózge amaly joq.

"Japarov Kremliding sózin sóiler bolsa, múnyng sony aimaqtyq dengeyden asyp, halyqaralyq konfliktige úlasady. Damyghan elderding tehnologiyasyna susap otyrghan Resey әlgindey sayasy intrigagha barudan tayynbaydy. Qyrghyz biyligi transshekaralyq ózenderdi paydalanu turaly halyqaralyq qúqyqty tabangha taptasa, búdan Ózbekstan da zardap shegedi" deydi DALA INSIDE derekkózi.

Aymaq elderi ýshin auyz su tapshylyghy óte nәzik mәsele. Aymaqty "asyrap" otyrghan Ámudariya men men Syrdariya sekildi negizgi su arteriyalarynyng erneui tarylyp keledi. Búlar tayazdana týsse Orta Aziyadaghy bes memleketting әleumettik-ekonomikalyq damuy da tejeleri aiday anyq.

Su mәselesinde Qazaqstan qyrghyz biyligining qas-qabaghyna qaraugha mәjbýr. Shu men Talastyng arnasyn rettep otyratyn býkil plotina, su qoymalary, basqa da kómekshi qúraldar qyrghyz jerinde ornalasqan. Búl túrghyda kórshi elge kiriptar ekenimizdi Mәskeu de beske biledi.

Kremliden pәrmen kelse Pishkek su mәselesin sayasy saudagha saluy ghajap emes. Qyrghyzstan tarapy búghan deyin de su dauyn "rychag" retinde qoldanghan. 2018 jyly eki elding ýkimet mýsheleri Shu ózenin paydalanugha qatysty ortaq úigharymgha kele almay tarqasqan-túghyn. Sol jyly qysastyq qylmasa da, byltyrghy jyly qyrghyz tarapy Shudyng "auzyn buyp" tastaghan. Saldarynan Jambyl oblysyndaghy 49 myng gektar suarmaly jer kýnge qaqtalghan bolatyn.

DALA INSIDE-qa jetken mәlimet boyynsha Toqaev transshekalarlyq ózenderdi paydalanu mәselesin BÚÚ minberinde sóz etui mýmkin.

Brusselding eskertuinen keyin "qara tizimdegi" tauarlardy Qazaqstan arqyly tasymaldau sap tyiylghan edi. Sanksiyanyng qamytyn kiygen Resey ýshin Orta Aziya osy kýnge deyin logistikalyq habtyng qyzmetin atqaryp keldi.

Tek byltyrdyng ózinde basqynshy el aimaq arqyly "Made in EU-de" jasalghan 20 mlrd dollardyng (2 mln tonna) tauaryn aldyrghan. Batys búghan Qazaqstannyn sýbeli ýlesi qosqanyn biledi. Qaru-jaraqqa qajetti jartylay ótkizgishter, mikroshemalar, elektronika jәne basqa da qat ónimder qazaq jerin basyp ótken.

Brusselding sabyry sarqyla bastaghanyn sezgen Aqorda Reseymen aradaghy alys-beriske qatang baqylau ornatqan. Shekaradan kirgen, shyqqan tauar atauly múqiyat sýzgiden ótetin bolghan. Osylaysha paralleldi importtyng joly kesilgen edi.

Putin syrt kózge syr bermegenmen, múndaydy keshirmesi belgili. Toqaevtyng jaghasyna jarmasudy Japarovtyng kómegimen jýzege asyrmaq. Qazaq pen qyrghyzdyng arasyna ot salu ssenariyin pysyqtap jatqan Kremli iydeologtary su dauyn úshyqtyra týsuge mýddeli. "Osy arqyly Aqordany sabasyna týsiremiz, qazaqtar aldymyzgha jorghalap keledi..." dep topshylaydy. Toqaev búghan kóne qoyar ma eken?..

Abai.kz