Keshe Almaty qalasyndaghy Audanaralyq әkimshilik sotynda «TKM» JShS (Rahat bazary kәsipkerleri) men Almaty qalalyq әkimdigining arasyndaghy dauly sot isining kezekti otyrysy ótti. Sot sheshim shygharyp, dauly isting bir parasyna nýkte qoydy.

Sot Rahat bazary kәsipkerlerining shaghymyn qanaghattandyryp, Almaty qalasy әkimining jerdi paydalanu qúqyghyn Jetisu audandyq әkimdigine beru turaly sheshimining kýshin joydy. Bazar ornalasqan jerge «TKM» JShS-nyng artyqshylyq qúqyqtary bar ekenin jәne ony Almaty әkimdigi eskeruge mindetti ekenin naqtylady. Osylaysha, sotta Rahat bazarynyng kәsipkerleri jeniske jetti.

Jәmiylә Tólenova:

- Almaty qalasy audanaralyq әkimshilik sotynyng kezekti prosessi ótti. Sot sheshimimen Almaty qalasy әkimining jer paydalanu qúqyghyn Jetisu audany әkimdigine, abattandyru ýshin beru turaly ókimining kýshi joyyldy.

Biz, «TKM» JShS men Rahat bazarynyng kәsipkerleri bes jyldan beri óz qúqyghymyzdy tabandap qorghap kelemiz. Ol bizding Rahat bazary ornalasqan jer. Býgin sottan biz aqyry degende әdiletti ýkim-úigharymdy estidik. Sot Almaty әkimining sheshimi zansyz ekenin anyqtap aitty. Biz «TKM» JShS sol jerdi zandy týrde paydalanyp keldik. Eshqanday zang erejelerin búzbay, memleketke adal júmys istep keldik. Bizding jer paydalanuda artyqshylyq qúqymyzdy Almaty әkemdigi reyderlik jolmen, óreskel búzghan edi. Rahat bazarynyng kәsipkerleri sol jerde 25 jyldan astam uaqyt boyy óz kәsipterin jýrgizip kelgen. Tarazynyng bir jaghyna jergilikti atqarushy organ basshylarynyng jeke ambisiyasy men ekinshi jaghyna adal kәsipkerlerding mýddesi qoyylghan kezde, biz tauday әkimshilik kedergilermen betpe-bet keldik. Rahat bazary degeniniz – mynnan astam adam, mynnan astam júmysshy, mynnan astam qala túrghyny. Olardyng eshqaysysy memleketke alaqan jaymay, ózderi men ainalasyndaghylardy asyrap, kәsipterin dóngeletip, memleketke salyq tólep otyrghan adamdar. Almaty qalasy әkimdigi olardyng janayqaylaryn, ýnderin estigen joq, estigisi kelgen joq. Býgin sot osy daugha nýkte qoydy. Sóitip, biz daudyng alghashqy bastalghan túsyna qayta oraldyq. Endi zangha sәikes, jer paydalanu qúqymyzdy talap etip, Almaty әkimdigine qayrylamyz. Rahat bazarynyng kәsipkerlerine jer berudi súraymyz.

Jәnibek Bashanov, zanger:

- Men «TKM» JShS men Rahat bazary saudagerlerining qorghaushysymyn. Býgingi sot sheshimine kónilim tolyp túr. Búl sot eng manyzdy prosessterding biri boldy. Biz Almaty әkimdigimen 2018 jyldan beri sottasyp kelemiz. Mine, baqanday bes jyl boldy. Aqyry býgin әdiletti, zandy sheshim shyqty. Ákimdik endi apellyasiyagha berui mýmkin. Al biz ózimiz bermeymiz. Bizding búl sot sheshimine kónilimiz tolady. Óitkeni, sot osynday sheshim shygharuy kerek te edi.

Seyilbek Bekenov, kәsipker:

- Sottyng әdil sheshim qabyldaghanyna quanyp otyrmyz. Mening Rahat bazarynda júmys jasap jatqanyma 27 jyl boldy. Biz Rahat bazaryn qorghaugha әli de kýshimizdi salamyz.

Lәzzat Kóperbaeva, kәsipker:

- Qúdaygha tәube, biz óz qúqyghymyzdy qorghay aldyq. Sottyng ózi aitty. «TKM» JShS men Rahat bazary kәsipkerlerining dәl sol jerge artyqshylyq qúqyqtary bar. Endi ol jerge sayabaq salu, zauyt salu t.b. turaly basqa әngime bolmauy kerek. Sot bes jyl degende aqyry әdil sheshim shyghardy. Biz óz kәsibimiz ýshin kýrestik. Kýresti әli de jalghastyra beremiz.

Abai.kz