Qazaqstan Respublikasynyn

Bas prokurory B.N. Asylovtyn;

Qazaqstan Respublikasy

Jogharghy Sotynyng tóraghasy

A.A. Merghaliyevtyng nazaryna!

Men Kónilbay Shýkenov degen jigitti songhy bes-alty jyldan beri jaqsy bilemin. Songhy uaqytta tipti jaqyn aralasyp kettik. Kәsipker. Mesenat. Qazaqta «Qara qús basyp jeydi, Súnqar shashyp jeydi» degen kermet maqal bar ghoy. Bir sózben aitqanda, Kónilbay Shýkenov tapqanyn halqymen bólisip kele jatqan súnqar minezdi jigit!

Ár kezdesken sayyn, Kónilbay Qaldybekúly maghan kimge baspana әpergenin, kimge mashia syilaghanyn aityp, ylghy jýrek tolqytatyn quanyshty janalyqtaryn jetkizetin.

Songhy kezdeskenimizde Kónilbay inim maghan óz basynan ótip jatqan óte bir kónilsiz jaghdaydy bayandap, tóbe shashymdy tik túrghyzdy.

Onyng aitysyna qaraghanda, osydan ýsh-tórt kýn búryn Astana qalasy boyynsha Ekonomikalyq tergep-tekseru departamentining qyzmetkerleri onyng ýii men kenselerine basyp kirip, tintu jýrgizipti.

Kónilbaydyng aituynsha, basa-kóktep kirgen toptyng qolynda tintu jýrgizu turaly sottyng sheshimi bar kórinedi.

Masqara bolghanda, ol tintu turaly sheshim Kónilbay Shýkenov negizin qalap, qazir ózi basshylyq etip otyrghan «Amanat Drive» kooperatiyvin emes, «Amanat Home» kooperatiyvin tintu turaly shygharylypty.

Ol az bolghanday, bir top jelókpe jurnalist Kónilbay Shýkenovty qaralau turaly arnayy beynematerialdar úiymdastyryp, ol beynematerialdy Reseyge tәueldi bir telearnadan taratpaqshy bolyp jatqangha úqsaydy.

Kónilbay Qaldybekúlynyng ústap jýrgen úyaly telefonyn da tekseruge alyp ketipti...

Al, «Amanat Home» kooperatiyvin kezinde Kónilbay Shýkenov  qúrghanymen, qazir ol kooperativting qojayyny basqa adam. «Amanat Home» kooperatiyvining salymshylary saylau ótkizip, basym dauyspen Kónilbay Shýkenovting kandidaturasyn shetke qaghyp, basqa azamatty jetekshi etip saylap alghan. Sosyn, Kónilbay Qaldybekúlynyng «Amanat Drive» kooperatiyvin qúryp, ayaghynan túrghyzyp, býginde jemisti júmys istep jatqany mәlim.

Búl turaly Kónilbay Shýkenov ózining әleumettik jelilerde, BAQ-ta jasaghan ýndeuleri men leksiyalary, súhbattary arqyly jýz qaytara aityp keledi. «Amanat Drive» kooperatiyvine mýddeli, mýddesiz qauym ony jatqa biledi.

Men bilgende, «Amanat Drive» – júrtqa payyzsyz nesie beru arqyly baspanamen, kólikpen qamtamasyz etuge arnalghan, bankterge, әsirese «Otbasy Bank» AQ-gha bәsekeles biregey kooperatiyv.

Songhy uaqytta «Amanat Drive» kooperatiyvining bedeli kóterilip, júrttyng jappay qoldauyna ie bola bastaghanyn býkil halyq kórip otyr. Baspana men kólik aluda júrtqa óte tiyimdi bolghan son, azamattardyng bankterden baspana ýshin salghan qarjysyn shygharyp alyp, osy kooperativke qúya bastaghanyn da jaqsy bilemiz.

Búl – naryqtyq qoghamnyng búljymas zany! Naghyz bisekelestik degen – osy!

IYә, Kónilbay Shýkenovke dýrkin-dýrkin aqparattyq shabuyldardyng bolyp jatatynyn da kórip kelemiz. Biraq, eshbir qúqyq qorghau organdary sot sheshimimen «Amanat Drive» kooperatiyvining júmysyn toqtatqan emes.

Múnday qarjymen júmys isteytin úiymdardyng ainalasynda aryzdar men ótinishterdin, ókpe-renishterding bolyp jatuy da tabighy qúbylys. Biraq, onday dau-damaylardyng bәri bir ýstelding basynda betpe-bet kelisimder, týsindiruler arqyly sheshilui kerek. Odan sheshilmese, advokat jaldap, sotqa jýginip sheshuge bolady ghoy.

Bir qyzyghy, «Amanat Drive» kooperatiyvining salymshylarynyng ishinen baspana nemese kólik alu merzimining belgili sebeptermen úzaryp ketuine baylanysty әleumettik jeliler arqyly renish bildirgender bar shyghar, biraq «Kónilbay Shýkenov aqshamyzdy aldap, jep ketti!» degender bolghan joq. Tipti, úzaq kýtuge shydamy jetpegender bolsa, olar eki jaqty jasalghan kelisim-sharttyng negizinde salghan aqshalaryn qaytaryp alyp jatady.

«Amanat Drive» kooperatiyvining júrtqa tiyimdiligi sol, mysaly 20 million tengege deyingi somagha baspana almaq bolsanyz, aldymen 5 payyz kiru jarnasyn, 30 payyz alghashqy somasyn qúyasyz. Qalghan 14 million tengeni «Amanat Drive» kooperatiyvi sizge on jylgha ay sayyn bólip tóleuge ósimsiz beredi. Qúshaq-qúshaq qújat jiyp әure bolmaysyz. Tek qana jeke basynyzdyng kim ekenin dәleldeytin kuәlik pen nekedegi júbayynyzdyng kelisimi bolsa, jetip jatyr. Jasynyzgha, júmysynyzdyng bar-joqtyghyna, Birynghay jinaqtaushy zeynetaqy qorynda qarjynyzdyng bolghan-bolmaghanyna qaramay, atalghan kooperativting salymshysy bola alasyz.

Eng keremeti, «Amanat Drive» kooperatiyvi arqyly osy jolmen alghan baspananyzdyng pasporty birden qolynyzgha beriledi.

Belgili sebeptermen búl kooperativ arqyly alghan baspananyzdyng ay sayynghy somasyn tóley almay qalsanyz, eki ay merzimge sizge uaqyt beredi. Al, odan ary da tóleuge mýmkindiginiz múlde bolmasa, onda kooperativ pәterdi qaytaryp alady da, sizding alghashqy qúighan 30 payyz somanyzdy jәne ay sayyn qúiyp kelgen aqshanyzdy týgel bir jola ózinizge qaytaryp beredi.

Al, 20 million tengeden kóp somagha pәter almaq blsanyz, kiru jarnanyz sol 5 payyz, al alghashqy tóleytin somanyz 30 emes, 50 payyzgha jogharlaydy.

Kólik aludyng da sharty osylay...

Endi Siz  «Amanat Drive» kooperatiyvi men bankterding baspana beruge arnalghan nesiyeleu tәrtibin nemese Ýkimetting baspanamen qamtu turaly baghdarlamalaryn salystyryp kóriniz.

Ayyrmasy – jer men kóktey!

Tiyimdilik jaghynan olar «Amanat Drive» kooperatiyvining shanyna ilese almaydy!

Júrttyng ystyq yqylasyna bólenip, tabysy tómen otbasylardyng baspanaly boluyna jenildik tudyra bastap edi, endi sol «Amanat Drive» kooperatiyvi bireulerding kózine sýiel bolyp qadalyp jatqany belgili boldy.

Jogharydaghy tintu – sonyng aiqyn kórinisi dep oilaymyn!

Otyz jyl boyy at tóbelindey top memleketti ghana emes, qarapayym halyqty da tonaumen keledi. Sonyng ishinde, bank arqyly tonau әbden shegine jetip, tipti asyp ketti dese de bolady. Sonyng kesirinen, qanshama otbasy tapqan-tayanghanyn qorqau bankterding qúlqynyn toltyramyn dep jýrip, siniri shyqqan taqyr kedeyge ainaldy. Uaghynda tóley almay, qúighan aqshasymen birge baspanasynan aiyrylghan jandar qansha ma?!

Sony – Almatydaghy qandy oqighalargha aparyp soqqan joq pa?!!

Qarap otyrsaq,  Sergey Tereshenkony ótpeli kezendegi premier-ministr desek, býgingi Álihan Smayylovqa deyin Respublika Ýkimetin qazaqtyng kileng «Sen túr, men atayyn!» jigitteri basqarypty.

Sonyng birde-bireui baspana turaly Kónilbay Shýkenov qúrghan «Amanat Drive» kooperatiyvi sekildi bir baghdarlama jasay alghan emes!

Qazaq bankterin de negizinen dәl sonday qazaq jigitteri qúryp, jetekshilik etti.

Sonyng birde-bireui Kónilbay Shýkenov qúrghan «Amanat Drive» kooperatiyvindey baspana turaly bir tiyimdi joba jasap, halyqqa úsyna alghan joq!!

Aqshasynan at emes, atan týiening beli qaysatyn әlemdik dengeydegi auqatty jigitter men qyzdar qansha ma?!

Kerisinshe, solardyng birinshisi tonaugha danghyl jol ashyp berdi; ekinshisi halyqtyng qan-terimen tapqan nәpaqasyn sýliktey sorumen; ýshinshisi tapqanyn qara qús qúsap, bauyryna basumen, bolmasa shetelderge aparyp tyqqyshtaumen keledi...

Mine,  Kónilbay Shýkenov degen auyldyng bir qara domalaq balasy shyghyp, sol kelensizdikting betin qaytaru ýshin,  «Amanat Drive» degen kooperativ qúryp, halyqty qorqau bankterding jemi boludan qútqara bastap edi, bizding qúqyq qoghau organdary onyng zandy mýddesin qorghaudyng ornyna, tapa-tal týste basyp kirip, ózge kooperativti tintuge shygharylghan sheshimmen kelip, ýii men kenselerining qorys-qopasyn shygharyp ketipti.

Aytynyzshy, osy da әdilettilik pe?!! Zang ýstemdik etetin memleketke tәn qasiyet pe búl?!!

Keshe ghana Preziydentimiz Qasym-Jomart Toqaev ózining halyqqa joldauynda: «Qúqyq qorghau organdarynyng kәsipkerlerdi qudalauyn birjola toqtatu kerek. Múnday әreketterge tyiym salynghan...» – degen joq pa?!!

Qasym-Jomart Kemelúly aityp, auyz jighansha bolghan joq, mine, qolynda sheksiz biyligi bar kýshter kәsipkerdi túqyrtyp, joq qylyp jiberuge shaq qalyp jatyr...

Aytpaqshy, Qasym-Jomart Toqaevtyng Qazaqstangha ýsh sheteldik bankti tartudy úsynuy da osy qorqau bankterding aptyghyn basu ýshin jasaghan qadam bolsa kerek.

Men bek senimmen aita alamyn, «Jana Qazaqstanda» júrt riza bolatyn bir jetistik bar ma dese, «Mine!» dep úyalmay kórsetuge tatityn birden-bir joba – «Amanat Drive» kooperatiyvi!

Kórip otyrmyz, Kónilbay Shýkenov pen «Amanat Drive» kooperatiyvi «Jana Qazaqstannyn» jana brendi retinde qabyldanyp, júrttyng kýndelikti kózayymyna, jaqyn serigine, arqasýierine ainalyp barady!!

Astana qalasy boyynsha Ekonomikalyq tergep-tekseru departamentining qyzmetkerleri «Amanat Drive» kooperatiyvine tekke basyp kirmegeni belgili.

Maqsattary – atalghan  kooperativting kózin qúrtu dep oilaymyn.

Sonda, Kónilbay Shýkenov kimning jolyn kesip ketti?!

Ekonomikalyq tergep-tekseru departamentining artynda abyroyy airanday tógilgen qarjylyq toptar, әsirese bankter túruy mýmkin.

Atalghan departamentining ózge kooperativti tintu turaly sot sheshimin shyghartyp alyp, «Amanat Drive» kooperatiyvine shýiligui – bizdi osynday oilargha jeteleydi.

Eger, búl әrketting artynda qanday da bir qarjylyq toptar túrghan bolsa, olargha aityrym, sender Kónilbay Shýkenovtyng dәl osy osy «Amanat Drive» jobasyn basyp týsetin baghdarlama jasap, halyqqa úsynyndar! Sóitip, naryq alanynda bәsekege týsip, ony jigitshe jenip shyghyndar!

Al, ras bolsa, arnayy beynematerial jasap, Kónilbay Shýkenovtyng saghyn syndyrghysy kelip jatqan shetelge tәueldi telearnanyng basshylary men jurnalisterine aitarym, «Qúdaydyng bir aty – halyq!» degen sóz bar. «Amanat Drive» – halyqtyq joba. Onyng artynda myndaghan bizding qara kóz qazaghymyz túr. Sol halyqtyng obalyna qalyp, Qúdaydyng qaharyna úshyrap jýrmender, dogharyndar múnday las tirlikti!!

Basqasyn bilmeymin, men osy «Amanat Drive» jobasy ýshin kimmen bolsa da «aqparattyq soghysqa» shyghugha dayynmyn!

Kelinder, jigitshe aitysyp kóreyik!!!

Qúrmetti Berik Noghayúly!

Qúrmetti Aslambek Amangeldiúly!

Jogharyda aittym, «Amanat Drive» – halyqtyq joba. Onyng myndaghan salymshylary men qoldaushylary bar.

Eger, múnday jaghday taghy qaytalansa, sol mýddeli qauymnyng tynyshy ketui mýmkin...

Sol ýshin, sizderden «Amanat Drive» kooperatiyvine baylanysty jaghdaydy nazarlarynyzgha alyp, jogharyda bayandalghan ynghaysyz әreketterge qúqyqtyq bagha berulerinizdi; ózge kooperativti tintuge shygharylghan sheshimmen kelip, «Amanat Drive» kooperatiyvining kensesine tintu jýrgizgen Astana qalasynyng Ekonomikalyq tergep-tekseru departamentining týsiniksiz әrketi ýshin, olargha shara qoldanuylarynyzdy súraymyn.

Auyt Múqiybek

Abai.kz