Almatyda Reseyding mәnerlep syrghanaushysy Tatiyana Navkanyng shouy ótpeytin boldy. Úiymdastyrushylar kórsetilimge biylet satudy toqtatqan.

«Almatydaghy «Sheherazadanyng mahabbat hikayasy» shouyna qatysty sport basqarmasy habarlaydy: Is-sharany ótkizu nemese toqtatu mәselesi «Almaty Arena» keshenining konserttik bólimining әkimshiligi men úiymdastyrushylar arasyndaghy shartqa baylanysty.

Sonymen qatar, «Almaty Arena» keshenining konserttik bólimi әkimshiligining aqparaty boyynsha úiymdastyrushylar «Rahat» JK «Almaty Arena» әkimshiliginen biylet satudy toqtatudy súraghan.

«Almaty Arena» kesheni aumaghynda konsert ótkizu mәselesine Almaty әkimdigining esh qatysy joq», - dep habarlady qalalyq әkimdik.

Ayta keteyik, Tatiyana Navka Resey preziydenti Vladimir Putinning baspasóz hatshysy Dmitriy Peskovtyng әieli. Oghan 2022 jyldyng mausymynan bastap Europalyq Odaq, Úlybritaniya, Kanada, Shveysariya, Avstraliya jәne basqa da birqatar elder sanksiya salghan. Sondyqtan reseylik әrtisting shetelge shyghyp, shou kórsetuge joly baylanghan.

Búghan deyin Qazaqstangha kelip óner kórsetpek bolghan Reseyding basqynshylyq soghysyn qoldaytyn әrtisterding konsertteri ótpey qalghan bolatyn. «Kamyzyaki» әzilkeshter toby, Grigoriy Leps, Irina Dubsova, Nikita Djigurda sekildi әrtister qazaq qoghamynyng qarsylyghyna úshyrap, Qazaqstangha josparlaghan saparlarynan bas tartty.

Abai.kz