«Ertis ormany» memlekettik tabighy orman rezervatynyng lauazymdy túlghalary ormandy zansyz kesuge qatysty boluy mýmkin. Búl turaly Polisia habarlady.

Pavlodar oblysynyng Polisiya departamenti úiymdasqan qylmysqa qarsy kýres basqarmasynyng qyzmetkerleri «Ertis ormany» erekshe qorghalatyn aumaghynda ormandy zansyz kesu jәne úrlau faktilerin anyqtau boyynsha keshendi jedel-izdestiru sharalaryn ótkizgen.

Mәselen, 18 qyrkýiekte oblystyq prokuraturanyng ýilestiruimen «Ertis ormany» rezervaty boyynsha auqymdy operasiya jýrgizildi. Poliyseyler «Ertis ormany» RMM-de, Shalday jәne Besqaraghay ormanshylyghynda, sonday-aq birqatar basshylardyng túrghylyqty jeri boyynsha 20-gha juyq sanksiyalanghan tintu jýrgizdi.

«Tintu kezinde qújattamadan basqa (shot-fakturalar, ilespe qújat, eseptiligi jýrgizilmeytin ormandy otaugha qatysty jәne ózge de qújattar), atys qaruy, oq-dәriler jәne ózge de zattay dәleldemeler tәrkilendi.

Qazirgi uaqytta Qylmystyq kodeksting 188-baby 2-bóligi boyynsha sotqa deyingi tergeu bastaldy. Boljamdy mәlimetter boyynsha ormandy zansyz kesuge «Ertis ormany» RMM-ning lauazymdy túlghalary qatysty boluy mýmkin», — delingen mәlimette.

QR Qylmystyq prosessualdyq kodeksting 201-baby negizinde ózge aqparat jariya etilmedi.

Foto: ashyq derekkózden

Abai.kz