«ەرتىس ورمانى» مەملەكەتتىك تابيعي ورمان رەزەرۆاتىنىڭ لاۋازىمدى تۇلعالارى ورماندى زاڭسىز كەسۋگە قاتىستى بولۋى مۇمكىن. بۇل تۋرالى Polisia حابارلادى.

پاۆلودار وبلىسىنىڭ پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى «ەرتىس ورمانى» ەرەكشە قورعالاتىن اۋماعىندا ورماندى زاڭسىز كەسۋ جانە ۇرلاۋ فاكتىلەرىن انىقتاۋ بويىنشا كەشەندى جەدەل-ىزدەستىرۋ شارالارىن وتكىزگەن.

ماسەلەن، 18 قىركۇيەكتە وبلىستىق پروكۋراتۋرانىڭ ۇيلەستىرۋىمەن «ەرتىس ورمانى» رەزەرۆاتى بويىنشا اۋقىمدى وپەراتسيا جۇرگىزىلدى. پوليتسەيلەر «ەرتىس ورمانى» رمم-دە، شالداي جانە بەسقاراعاي ورمانشىلىعىندا، سونداي-اق بىرقاتار باسشىلاردىڭ تۇرعىلىقتى جەرى بويىنشا 20-عا جۋىق سانكتسيالانعان ءتىنتۋ جۇرگىزدى.

«ءتىنتۋ كەزىندە قۇجاتتامادان باسقا (شوت-فاكتۋرالار، ىلەسپە قۇجات، ەسەپتىلىگى جۇرگىزىلمەيتىن ورماندى وتاۋعا قاتىستى جانە وزگە دە قۇجاتتار), اتىس قارۋى، وق-دارىلەر جانە وزگە دە زاتتاي دالەلدەمەلەر تاركىلەندى.

قازىرگى ۋاقىتتا قىلمىستىق كودەكستىڭ 188-بابى 2-بولىگى بويىنشا سوتقا دەيىنگى تەرگەۋ باستالدى. بولجامدى مالىمەتتەر بويىنشا ورماندى زاڭسىز كەسۋگە «ەرتىس ورمانى» رمم-ءنىڭ لاۋازىمدى تۇلعالارى قاتىستى بولۋى مۇمكىن»، — دەلىنگەن مالىمەتتە.

قر قىلمىستىق پروتسەسسۋالدىق كودەكستىڭ 201-بابى نەگىزىندە وزگە اقپارات جاريا ەتىلمەدى.

فوتو: اشىق دەرەككوزدەن

Abai.kz