Jyl basynda Tauly Qarabaqta 120 myng adam túrghan, búl aimaq halqynyng tórtten ýsh bóligi Armeniyagha kóshkenin bildiredi. Ázerbayjan jaghy bosqyndar sany turaly mәlimet aitqan joq.
Armeniya premier-ministri Nikol Pashinyan aimaqta armyan halqynyng qaluy mýmkin emes dep mәlimdedi. Ol әzerbayjan biyligin túrghyndardy "últyna qaray qudalady", "deportasiyagha mәjbýrledi" dep aiyptady.
Armeniya kóshetin kólikteri joq túrghyndar ýshin Stepanakertke (әzerbayjansha – Hankendi) ondaghan avtobus jibergen. Ázerbayjan biyligi de 30 avtobus jiberdi.
Baku Armeniya premierining sózi Baku men Erevan arasynda beybitshilikting bolashaghyna núqsan keltiredi dep mәlimdedi. Ázerbayjan biyligi aimaqtan ketu-ketpeu mәselesin Tauly Qarabaq túrghyndarynyng ózi sheshti dedi. Ázerbayjan syrtqy ister ministrligi jergilikti halyqty Qarabaqtan ketpeuge shaqyrghanyn, әzerbayjan qauymdastyghymen reintegrasiyany bastaugha ýndegenin atap ótken.
Ázerbayjan preziydentining kómekshisi Hikmet Gadjiyevtyng aituynsha, Baku Qarabaqqa BÚÚ baqylaushylar missiyasyn jiberuge dayyn. Jazda Ázerbayjan basshysy Iliham Áliyev Baku aimaqqa 150 myng әzerbayjan azamatyn qonystandyrugha dayyn ekenin aitqan.
29 qyrkýiekte birqatar Telegram-arnalar "Lachiyn" baqylau-ótkizu punktinde әzerbayjan kýshteri Armeniyagha ketpek bolghan moyyndalmaghan Tauly Qarabaq respublikasy kýshterining búrynghy qolbasshysy Levon Mnasakanyandy ústaghanyn habarlaghan. Ol 2015-2018 jyldar aralyghynda moyyndalmaghan respublikanyng qorghanys ministri bolghan. 2015, 2016, 2017 jyldary qarabaq jәne әzerbayjan kýshteri arasynda qaqtyghys bolyp, taraptar auyr qaru qoldanghan. Olar bir-birin atysty toqtatu kelisimin búzdy dep aiyptaghan.
Birneshe kýn búryn Lachinde moyyndalmaghan respublika ýkimetining búrynghy jetekshisi Ruben Vardanyan da ústalyp, qamalghan. Vardanyangha "terrorizmdi qarjylandyru", "qaruly top qúru jәne qatysu", "shekarany zansyz kesip ótu" baptary boyynsha aiyp taghylghan.
- Halyqaralyq qúqyq boyynsha, Tauly Qarabaq – Ázerbayjan jeri. Aymaq 1990 jyldardaghy soghystan keyin Erevan qoldauyna ie jikshil armyandardyng qolynda edi. Ýsh jyl búrynghy alty aptalyq soghysta Ázerbayjan aimaqtyng edәuir bóligin baqylauyna alghan.
- Ázerbayjan men Armeniya beybit kelisimge qol qoymaghan. AQSh, Euroodaq jәne Resey arasynda kelissóz әzirge nәtiyje әkelgen joq. Ázerbayjan men Armeniya basshylarynyng kezekti kezdesui qazan aiynyng basynda ótedi.
- 19 qyrkýiekte Ázerbayjan armyan kýshterin әzerbayjan nysandaryn atqylady dep aiyptap, terrorizmge kinәlaghan. Bir kýnnen song moyyndalmaghan respublika biyligi Baku sharttarymen kelisken.
- 28 qyrkýiekte moyyndalmaghan Tauly Qarabaq respublikasynyng jetekshisi Samvel Shahramanyan 2024 jyldyng 1 qantarynan bastap respublikany joi turaly jarlyqqa qol qoyghan.
Derekkózi: Azattyq
Abai.kz
