Endi qazirgidey alys aralyq raketamen atqylau, «yadrolyq bomba tastay salamyz!» – degen qorqytu mýlde bolmaytyn boldy!

Birikken últtar úiymy osynday sheshim shyghardy. Ony oryndamaghandargha dýniyejýzi elderi óre týregelip: – Qatyn ekensin! – dep qarghaytyn bolghan son, jaqynda ghana bir-birimen qyrghyn soghysyp jatqan Hamas pen Izraili әskerleri aidalagha jinalyp, bayaghy zaman soghysyndaghy tәsilmen qatar-qatar túra qalysty.

– Algha! Palestinany qorshaugha alamyz! Hamastyng kýlin kókke úshyramyz! Jasasyn, evreyler! – dep úrandatty Izraili әskerining qolbasshysy banan jep túryp.

– Biz de qarap qalmaymyz! Músylmandar eli jasasyn! – dedi Hamastyng qolbasshysy balmúzdaqtan jalap qoyyp.

Soghystyng jana erejesi boyynsha, әskerler bir-birine túra úmtylyp, tek iyqtarymen soghysty. Kim kýshti, kim iyqty, kim engezerdey, sonyng tegeuirinine shydamaghan jauyngerler qalpaqtay úshyp jatty. Oq atylghan joq, qan tógilgen joq, Analar jesir qalmady, balalar jetim qalmady! Eki jaq teng týsken son, týs qayta eki jaqtyng «men» degen erkekteri jappay qol kýresten baq synasty.  Sonynda eki jaq auyr artilleriyamen atysty. Biraq, raketalar jarylghanda, ainalagha tek tort shashyrady. Jata qalyp jeysiz be, jalaysyz ba, erkiniz bilsin! Gaza sektoryndaghy beykýnә sәbiyler anasyn izdep, jylaghan joq. Analar soghysqa laghnet aityp, shashtaryn júlghan joq... Jazyqsyz halyq qyrylghan joq!

Resey men Ukraina soghysy da osy tәsilge kóshisti. Olar qyryp-joyatyn qarularyn metallomgha ótkizip, birin-biri tayaqpen úryp qualap, taspen atqylap, pisken júmyrtqa laqtyrysyp, búqalar siyaqty sýzisip degendey... Halal soghys boldy... Zelenskiy men Putin bir-birin kәrtóshkemen atqylasyp jýr. Men senemin, endi jer jylamaydy. Jetim balalar nan súramaydy, analar jylap, qúlamaydy... Jer - Ana demalady...

Abai.kz