Resey búrynghy Kenes elderinen әskery tehnika alu ýshin jantalasuyn kýsheytti. Olar osy maqsatta patriottardyng kýshimen qúrylghan týrli qorlar men úiymdardy paydalanady.

Onday qúrylymdardyng mysaly retinde tómendegi tizimdegilerdi ataugha bolady:

• Fond pravoporyadok Shiyt
• Assosiasiya Rubej («ASB Rubej»)
• Narodno-patrioticheskoe obediynenie «Rodina»)
• Fond Podderjky Veteranov «PATRIOT».

Osy maqsatta qúrylyp, osy baghytta júmys isteytin taghy basqa da úiymdar bar boluy bek mýmkin.

Resey ózining yqpaly men baylanysynyng arqasynda búrynghy Kenes elderinen biraz qaru-jaraq alyp ýlgerdi. Biraq onyng alghany – kóbine jaysyz jaghdayda saqtalghan, sapasy nashar, ondaghan jyldar búryn shyqqan eski qaru.

Naqty Qazaqstangha kelsek, Resey tarapy 2023 jyly jazdyng sonyna deyin Qazaqstannan Reseyge 7 dana MT-LB (transporter) jәne 6 dana BMP-1 (transporter) jetkizip aludy josparlaghan, - dep jazady orys tildi BAQ. Búl mashinalardy jóndeuge dep «Kurganmashzavod» zauytyna jetkizbek edi.

Sonymen qatar, Reseylikter Ortalyq Aziyadan әskery jýk kólikteri men BRDM dóngelekti mashinalaryn satyp alyp jatyr.

Alayda búl júmystardyng tym bayau jýrip jatqanyna Reseyding kónili tolmay otyr. Ol azday, Qazaqstan men Ortalyq Aziyadaghy basqa elderding resmy túlghalary Reseydi qarulandyrugha qarsylyq tanytty. Búl jaghday Reseyding Ortalyq Aziya ónirindegi yqpalynyng aitarlyqtay qatty әlsiregenin rastaydy. Resey jeme-jemge kelgende ózining odaqtasy sanap kelgen elderden qoldau tappady, tipti qolma-qol aqshamen de kóndire almay otyr.

Endeshe Reseyding endi búrynghy sovettik tehnika men oq-dәrini basqa elderden satyp alugha tyrysatyny anyq. Sovet qaruynyng mol qoryn saqtap otyrghan elderding biri – Ázerbayjan edi.

Batys sarapshylarynyng pikirinshe, Ázerbayjannyng ýkimettik qúrylymdary Reseyding qaru alu sipatyndaghy barlyq әreketterine qatang tosqauyl qongy tiyis. Óitkeni Reseyge qaru satqany Ázerbayjannyng ózining әskery әleuetining tómendeuine әkeledi.

Qazaqstan qoghamynda el biyligi Resey biyligine bolysyp, kórshisine jabdyqtar eksporttauy mýmkin degen alandaushylyq bar. Óitkeni qazaqstandyq key blogerler Telegram men basqa da kanaldar arqyly osynday mәlimetterdi ara-túra taratyp jatady.

Sattar Bekmaqan

Abai.kz