DALA INSIDE derekkózi «ArselorMittal Temirtaudyn» jana investory retinde otandyq oligarhtar - Freedom Holding qojayyny Timur Turlov pen Nazarbaevtyng kýieu balasy, Halyq bankting majoritarly aksioneri Timur Qúlybaev qarastyrylyp otyrghanyn aitady. Taraptar bagha boyynsha kompromisske kelgen, degenmen kommersiyalyq momentterdi әli de bolsa talqylau qajet. Kelissóz osy aidyng sonyna deyin sozylmaq.

Qos tarap ta Ýkimetpen jarty jyl boyy kelissóz jýrgizgen. Kostenko shahtasyndaghy songhy tragediya Lakshmy Mittal súraghan satyp alu aqysyn kýrt kemitkendikten, zauytty arzangha satyp aludyng sәti endi týsip otyr. Búghan deyin Mittal Qaraghandy metallurgiya zauytyn 4 milliard dollargha baghalap kelse, 46 kenshining ajalynan keyin tәbetin birden 1,3 milliard dollargha deyin kemitti.

Múnday aqsha Timur Qúlybaevta bar jәne ol Halyq bankting birneshe paket aksiyalaryn satyp, óz kapitalyn taghy tolyqtyra alady. Al Turlov Qúlybaevtay gigant emes, sondyqtan zauytty qaqshyp alamyn dese, investorlyq sindikattalghan pul úiymdastyryp, әsirese Bolat Ótemúratovtyng kapitalyn tartuy mýmkin.

Qaraghandy zauyty - payda әkelip otyrghan óndiris oshaghy. Tek oghan óndiristik qauipsizdikti kýsheytu ýshin kemi 3 milliard dollar investisiya kerek. Ýkimet jana investorgha – «endi shahtalarda adam ólmesin jәne eshkim júmyssyz qalmasyn» degen óte týsinikti jәne qarapayym eki talap qoyyp otyr.

Búghan deyin zauytty reseylik investor satyp alady (sonyng ishinde Severstali) degen pysh-pysh әngime taraghan. DALA INSIDE  derekkózi múny ýzildi-kesildi joqqa shygharyp otyr.

«Orystar búl jobagha jolamaydy. Mittal? Aqorda onymen sypayy qoshtasyp, yn-shynsyz shygharyp salghandy qalaydy. Biylikke «Statiy-2» skandaly kerek emes. Britan zannamasyn jaqsy biletin Mittalmen eregeser bolsaq, erteng Londongha sýirep silikpemizdi shygharady. Ýndi oligarhynyng zangerleri shetinen monstr. Halyqaralyq qúqyqty býge-shigesine deyin mengergen búlarmen ashyq shayqasu qauipti..», - deydi derekkóz.

Jogharydaghy maqalagha qatysty Abai.kz aqparattyq portalyna Freedom Holding Corp baspasóz qyzmeti arnayy týsinikteme berdi. Biz týsiniktemeni qosa jariyalap otyrmyz: 

«Búghan deyin jariyalanghan Timur Turlov «ArselorMittal Temirtau» kompaniyasynyng jana investory boluy mýmkin degen aqparat shynayy emes. Turlov myrza kәsiporyndy satyp alu boyynsha kelissózder jýrgizgen joq jәne josparlaghan emes».

Abai.kz