Reseyding úsynysy: Qazaqstangha AES-ti biz salyp bereyik...
![](https://abai.kz/content/uploads/2023/12/kerker.jpg)
1 qyrkýiektegi halyqqa joldauynda preziydent Toqaev: «AES salu referendum arqyly sheshiledi», - degen edi. Tayauda osy taqyryp qayta kóterildi. Talqyny qayta órshitken «Rosatom» mәlimdemesi.
Reseyding memlekettik korporasiyasy «Rosatom» yadorlyq reaktordyng 3+ buynyndaghy jalpy quaty 2400 MVt bolatyn eki bloktyq AES salugha qúlyq tanytqany turaly Reseyding «TASS» agentining aqparatyn oqyghanda shalqamyzdan týse jazdadyq. Ári «Armeniyanyng kebin kiymeymiz be?» degen súmdyq oigha qaldyq. Nege Armeniya?
Dәl qazir el astanasy Erevannyng ontýstiginen 30 shaqyrym jerdegi Mesamora qalasynda býkil Armeniyany jaryqpen qamtamasyz etetin, 8-balldyq jer silkinisine beyimdelgen eki energobloktyq V-270 tiypindegi VVER-440 reaktorlary ornalasqan, energobloktary 1976 jәne 1980 jyldary paydalanugha berilgen AES bar. 1982 jyly 15 qazanda sol Mesamora AES-inde apat oryn aldy.
Qazir Resey osy AES arqyly Armeniyany ashsa alaqanynda júmsa júdyryghynda ústap otyrghan jayy bar. Reseyding basty kóziri Mesamora AES-i desek aitqanymyz esh ótirik emes. Osy kep qazaqtyng da basyna týspesine esh kepil joq. Reseyding «Atomdyq shoqpary» tóbemizde oinamasyn desek, Europa men Aziya jolbarystarynyng jobasyn jýzege asyrugha mýmkindik beru kerek. Sonymen orys әlemi tilimizdi sayasy sahnada jalmap bolyp, endi ekonomikamyzdyng jandy jerine qanjar súqpaqshy. Búl bizding pikir.
Reseyding memlekettik korporasiyasy «Rosatomnyn» enshiles kәsiporny «Rosatom Ortalyq Aziya» JShS diyrektory Sergey Gromov: «Memkorporasiya respublikanyng elektr energiyasyna degen 20% múqtajdyghynyng óteytin hәm әlemdegi eng qauipsiz bolyp sanalatyn AESting eki blogyn saludy úsynady», – dep mýlәiimsip mәlimdedi.
Endi qytaylyq CNNC, ontýstik koreyalyq KHNP jәne fransuzdyq EDF kompaniyalary túrghanda ýnemi apatqa úshyraytyn orys AES-ine kýnimiz týskeni ne joryq?..
Abai.kz