Elordada «Okadzaki» qoghamdyq tamaqtanu nysandarynyng birinde jappay taghamnan ulanu jaghdayy tirkeldi. Búl turaly Astana qalasynyng Sanitariyalyq-epiydemiologiyalyq baqylau departamenti mәlim etti.

Bastapqyda әleumettik jelilerde «Okadzaki» meyramhanasynan tamaqtanyp, ulandyq degen jazbalar jariyalana bastady.

«Alghashqy eki kýn qatty auyrdym jәne janajyldyq is-sharalargha qatysqandyqtan, virus júqtyrghan shygharmyn dep oiladym. Dene qyzuy, әlsizdik, 5 kýn toqtamastan diareya boldy. Jedel jәrdem qyzmetin shaqyrghanda, olar «infeksiyalyq ulanu» diagnozyn qoydy. Sonyng aldynda «Okadzaki» meyramhanasyna sushy jeuge barghanbyz. Menimen birge meyramhanagha barghan taghy eki qúrbymda ulanu belgileri bayqaldy. Bireui júqpaly aurular ortalyghyna baryp qaraldy. Ondaghy dәrigerler de tamaqtan ulanyp týsken pasiyentter kóp ekenin aitqan», - deydi zardap shegushilerding biri Ámina Súltanghazy.

Búl mәsele jóninde Sanitariyalyq-epiydemiologiyalyq baqylau departamenti pikir bildirdi.

«Okadzaki» meyramhanasyndaghy ulanu jaghdayy jeltoqsanda oryn aldy, ol boyynsha qazirgi uaqytta epiydemiyagha qarsy is-sharalar jýrgizilude. Býgingi kýni zardap shekkenderding sany 37 adamdy qúrady. Ótinish berushining shaghymy negizinde jospardan tys tekseru jýrgizilude», - delingen habarlamada.

Eske sala ketsek, 2022 jyly da «Okadzaki» qoghamdyq tamaqtandyru nysandarynda 90-nan astam adam ulanghan edi. Atalghan nysandargha qatysty polisiya basqarmasy qylmystyq is qozghady jәne sot 1 110 900 tenge kóleminde aiyppúl saldy. Bir obektining qyzmeti toqtatyldy.

«Qazir «Okadzaki» meyramhanasynda jospardan tys tekseru jýrgizilude. Sonday-aq, Esil audanynyng polisiya basqarmasy sotqa deyingi tergeudi tirkedi. Qylmystyq is qylmystyq jazalanatyn is-әreket belgilerining bolmauyna baylanysty toqtatylghan jaghdayda, departament 425-baptyng 2-bóligi boyynsha әkimshilik hattama jasaydy jәne sheshim qabyldau ýshin sotqa joldaydy», - deydi departament.

foto: ghalamtordan

Abai.kz