Qazaqstan Últtyq Banki jana dizaynda shyqqan nominaly 5 000 tengelik banknotalardy 2023 jyly 25 jeltoqsanda ainalymgha shyghardy. búl turaly Últtyq bankting baspasóz qyzmeti mәlim etti. 

Búl – «Saq stiyli» jana seriyasynyng alghashqy banknotasy. Ol qazaqy ong-órnekting bastau negizi sanalatyn jәne kóshpendilerding biregey mәdeniyetinen bastap býgingi Qazaqstangha deyingi el múrasyn beyneleytin «Saq stiyli» elementterine negizdelgen.

QÚB shynayy banknotalardy jalghan aqshadan óz betinshe ajyratugha kómektesetin qarapayym erejeler bar ekenin eske salady jәne 2023 jylghy ýlgide shyqqan jana dizayndaghy 5 000 tengelik banknotalardyng qorghanysh elementterin úsynady.

Aqsha belgisining qorghanysh elementteri turaly

Banknotada reliefti qalyptastyratyn – altyn intaglio arnayy baspa tәsili qoldanylghan. Qazaqstan Respublikasynyng eltanbasy altyn metall boyaudyng joghary bederli qabatymen basylghan.

Banknotanyng bet jaghyndaghy shetterinde shyghynqy, joghary reliefti elementter bar, olar qolmen ústaghanda jaqsy seziletin – kóru qabileti nashar adamdargha arnalghan belgi.

Banknota betinde ýzik-ýzik týrinde shyghyp túrghan eki týsti qorghanysh jip te bar. Ol jaryq týskende bir tútas jip retinde anyq kórinedi. Banknotanyng kólbeu búryshy ózgergen kezde qyzyl jәne kók týsterding ózara әrekettesuinen dinamikalyq lýpilding әseri payda bolady.

Sonymen qatar, banknotanyng bet jaghynda kólemdi stilidendirilgen «Býrkit» beynesi týrindegi patch qorghanysh elementi ornalasqan. Banknotany audarghan kezde nominaldyng sifrlyq keskininen oi-órnekke auysu әseri jәne kýn belgisi sәulelerining jan-jaqqa shashyraghan dinamikalyq әseri bayqalady.

Jeke kórkemdik elementter banknotagha altyn týstes jyltyraghy bar arnayy – iridissentti boyau qoldanyp basylghan.

Lokalidy su belgisi qorghanysh elementi – elektrotiyp. Jaryq týskende nominaldyng beynesinen túratyn elektrotip belgisi anyq kórinedi.

Banknotanyng ekinshi betinde «Býrkit» artefaktining kólemdi beynesi týrindegi Spark elementi ornalasqan. Banknotanyng kólbeu búryshy ózgergen kezde Spark týsi altynnan nefrit týsine ózgeredi.

Múnday tekseru tәsilderi birneshe sekund uaqytty alady jәne kez kelgen adamgha banknotanyng týpnúsqalyghyn anyqtaugha kómektesedi.

Foto: nationalbank.kz

Abai.kz