Balalaryna tәrbie bermegen 1 057 ata-ana әkimshilik jauapkershilikke tartyldy. Búl turaly IIM Ákimshilik polisiya komiytetining agha inspektory Aqmaral Serikbaeva aitty.

«Túrghylyqty jeri boyynsha polisiyanyng profilaktikalyq esebinde túrghan barlyq adamdar, sonday-aq qolaysyz otbasylar tekserildi. Býgingi tanda esepte qúqyq búzushylyq pen qylmys jasaghan 120 myng adam túr. Baqylau barysynda belgilengen shekteulerding 1,5 myng búzushylyghy anyqtaldy. Qorghau núsqamasyn búzghan 557 agressor jәne minez-qúlyqqa qoyylghan erekshe talaptardy oryndamaghan 531 qúqyq búzushy qamaugha alyndy. Balalaryn tәrbiyeleu boyynsha mindetterdi oryndamaytyn 8 myng ata-ana esepke qoyyldy. Onyng ishinde 1 057 ata-ana әkimshilik jauapkershilikke tartyldy», - dedi ol IIM baspasóz qyzmeti alanynda ótken brifingte.

Onyng atap ótuinshe, 201 fakti boyynsha kәmeletke tolmaghandardyng isteri jónindegi komissiyagha ata-ana qúqyghynan aiyrugha materialdar jiberildi. Mysaly, Petropavlda jas ana emhanagha shaqyrylghan uaqytta balasyn alyp kelmey jýrgeni turaly pediatrdan habarlama kelip týsken. Tekseru kezinde jas ananyng ishimdik ishkeni, nәrestening shúghyl kómekke múqtaj ekeni belgili bolghan.

«Polisiya balany nәresteler ýiine ornalastyryp, al anasyn narkolog dәrigerding esebine qoydy jәne әkimshilik jauapkershilikke tartty. Sot sheshimi boyynsha alkogolizmmen auyratyn 206 adam narkologiyalyq úiymdargha mәjbýrlep emdeuge jatqyzyldy. Jýktelgen mindetterden qasaqana jaltarghany ýshin sottalghan 101 adamgha qatysty, sottargha jazasyn óteuden shartty týrde merziminen búryn bosatudyng kýshin jong turaly úsynymdar jiberildi», - dedi Aqmaral Serikbaeva.

Foto: school592.ru

Abai.kz