Álemdik aqparat kózderi Týrkiyanyng jergilikti basylymyna silteme jasap, Resey preziydenti Putinning aqpannyng 12-qýni Týrkiyagha resmy saparmen baratynyn jarysa jazghan edi.

Jeksenbi kýni Týrkiya Syrtqy ister ministri Hakan Fidan búl aqparatty rastap: «Búl retki kezdesu eki tarapqa kóptegen tolghaqty mәselelerdi talqylaugha jaqsy oray», - degen. Biraq uaqytyn naqtylamaghan.

Onyng mәlimetinshe, sapar barysynda Putin myrza Týrkiya preziydenti Erdoghanmen kezdesip, Ukraina astyghyn Qara teniz arqyly eksportqa shygharudyng jana jolyn talqylamaq. Týrkiya SIM basshysynyng sózinshe, «búrynghy astyq eksport kelisimi belgili bir negizde jasalghan, qazir ony janartu qajeti tuyp túr».

Ukrainagha qarsy soghys bastaghan eki jyldan beri Kremli basshysynyng soghysqa NATO-ny aiyptaumen kelgeni belgili. Týrkiyanyng atalmysh әskery úiymgha mýshe ekenin eskersek, Putin myrza Batyspen arasy ushyqqan eki jyldan beri birikken NATO әskerining qorghauyndaghy elge alghash ayaq basqaly otyr.

Kәnigi sayasatker Erdoghan myrza soghys bastalghaly beri jaulasqan eki slavyan elining ekeuimen de sayasi, ekonomikalyq qatynasyn ýzbey keledi.

Aytyp-aytpay, HAMAS Izrailige basyp kirip, qaqtyghys Livan, Iraq, Siriya, Qyzyl tenizdi sharpyp, әskery operasiyalargha AQSh pen Angliya aralasyp, Tayau Shyghystaghy jaghday ushyqqannan keyin, Putin myrzanyng órisi keneyip sala berdi.

Odan búryn halyqaralyq izdeuden qorqyp, әlemdik basqosulargha onlayn qatysyp kelse, Orta Aziyany aitpaghanda, Qytaygha, Arab memleketterine baryp qaytty.

Putinning aldaghy Týrkiya sapary Erdoghangha syny kózqaraspen qaraytyn Europalyq әriptesterine únamaghanmen, nauryzdaghy saylauda qayta atqa minuden ýmitti Kremli qojayyny ýshin zor jetistik bolghaly túr.

Esbol Ýsenúly

Abai.kz