Býgingi sot prosessi barysynda Quandyq Biyshimbaev sotta sóz sóilep, Saltanat Nýkenovamen otbasylyq ómiri jayly aityp berdi, dep habarlaydy Abai.kz.

Týski ýziliske deyin eks-ministr Saltanatpen qalay tanysqanyn, olardyng qarym-qatynasy qalay bastalghanyn jәne erli-zayypty adamdar arasyndaghy alghashqy janjalgha ne sebep bolghanyn bayan etti.

– Men ústalghan sәtten bastap Saltanattyng tuystary da, aghasy da faktilerdi búrmalap, belsendi týrde PR nauqan jýrgizdi. Onyng kózi aghyp ketti, bas sýiegi tesildi, denesining sau-tamtyghy joq degendey... Prokuror aiyptau aktisin oqyghan kezde solardyng eshbirin atap kórsetken joq. Meni 5 ay boyy aiuan retinde kórsetkisi keledi, onyng kózi aghyp, bas sýiegi tesilgen deydi – múnyng bәri shyndyqqa janaspaydy. Sizder búghan әli kóz jetkizesizder, - dedi Biyshimbaev.

Sonday-aq, eks-ministr aralaryndaghy janjaldyng tuyndauyna ýshinshi taraptyng da tikeley qatysy baryn aitty.

– Ýilenu toyy 14 jeltoqsanda ótti. Sodan keyin men ne bolyp jatqanyn bilmeymin. Men onyng minez-qúlqynda bir nәrse ózgergenin týsindim. Ol óte qobaljuly, mazasyz, ashulanshaq, agressivti boldy, dóreki sóileytin de. Onyng kabiynetinde birneshe jyl boyy qarym-qatynasta bolghan adamnyng sureti bar. Ol Qazaqstandaghy tanymal kәsipker", - deydi Biyshimbaev.

Biyshimbaevtyng aituynsha, býkil janjalgha, otbasylyq kelispeushilikke osy jayt sebep bolghan.

Jәbirlenushi tarap sottalushydan osy adamnyng atyn aitpauyn súrady. Biyshimbaev týsten keyin taghy sóileydi.

Abai.kz.