بۇگىنگى سوت پروتسەسسى بارىسىندا قۋاندىق بيشىمباەۆ سوتتا ءسوز سويلەپ، سالتانات نۇكەنوۆامەن وتباسىلىق ءومىرى جايلى ايتىپ بەردى، دەپ حابارلايدى Abai.kz.

تۇسكى ۇزىلىسكە دەيىن ەكس-مينيستر سالتاناتپەن قالاي تانىسقانىن، ولاردىڭ قارىم-قاتىناسى قالاي باستالعانىن جانە ەرلى-زايىپتى ادامدار اراسىنداعى العاشقى جانجالعا نە سەبەپ بولعانىن بايان ەتتى.

– مەن ۇستالعان ساتتەن باستاپ سالتاناتتىڭ تۋىستارى دا، اعاسى دا فاكتىلەردى بۇرمالاپ، بەلسەندى تۇردە PR ناۋقان جۇرگىزدى. ونىڭ كوزى اعىپ كەتتى، باس سۇيەگى تەسىلدى، دەنەسىنىڭ ساۋ-تامتىعى جوق دەگەندەي... پروكۋرور ايىپتاۋ اكتىسىن وقىعان كەزدە سولاردىڭ ەشبىرىن اتاپ كورسەتكەن جوق. مەنى 5 اي بويى ايۋان رەتىندە كورسەتكىسى كەلەدى، ونىڭ كوزى اعىپ، باس سۇيەگى تەسىلگەن دەيدى – مۇنىڭ ءبارى شىندىققا جاناسپايدى. سىزدەر بۇعان ءالى كوز جەتكىزەسىزدەر، - دەدى بيشىمباەۆ.

سونداي-اق، ەكس-مينيستر ارالارىنداعى جانجالدىڭ تۋىنداۋىنا ءۇشىنشى تاراپتىڭ دا تىكەلەي قاتىسى بارىن ايتتى.

– ۇيلەنۋ تويى 14 جەلتوقساندا ءوتتى. سودان كەيىن مەن نە بولىپ جاتقانىن بىلمەيمىن. مەن ونىڭ مىنەز-قۇلقىندا ءبىر نارسە وزگەرگەنىن ءتۇسىندىم. ول وتە قوبالجۋلى، مازاسىز، اشۋلانشاق، اگرەسسيۆتى بولدى، دورەكى سويلەيتىن دە. ونىڭ كابينەتىڭدە بىرنەشە جىل بويى قارىم-قاتىناستا بولعان ادامنىڭ سۋرەتى بار. ول قازاقستانداعى تانىمال كاسىپكەر", - دەيدى بيشىمباەۆ.

بيشىمباەۆتىڭ ايتۋىنشا، بۇكىل جانجالعا، وتباسىلىق كەلىسپەۋشىلىككە وسى جايت سەبەپ بولعان.

جابىرلەنۋشى تاراپ سوتتالۋشىدان وسى ادامنىڭ اتىن ايتپاۋىن سۇرادى. بيشىمباەۆ تۇستەن كەيىن تاعى سويلەيدى.

Abai.kz.