Qúrmetti Aseke!
Parlament minberinde sóilep túrghan joqpyn, «Pәlenshe Týgensheevich» dep syzylatynday, qazaqy qalpymyzben ózimsinip, jaqyn tartyp jatqanyma  aiyp etpessiz. Dese de, dәl sol Parlament minberinde siz sózden onbay sýrindiniz. Ony әdette sózge saq spiyker de bayqamay qalghan sekildi. (Álde bayqady ma eken). Qaljyndap aittynyz ba, shyn sóziniz sol ma, әiteuir «ministr bolghanymnyng bir paydasy tiyip, balamdy memlekettik balabaqshagha ornalastyrdym» dediniz. Bәlkim sizge úsaq-týiek sharua kórinui mýmkin, biz ýshin, neshe jyldan beri memlekettik balabaqsha kezegin saryla, sarghaya tosyp jýrgen myndaghan ata-ana ýshin әlgi sózderiniz keleke-mazaq bolyp estildi. Qazir Astana qalasy boyynsha ghana 70 myngha juyq býldirshin memlekettik balabaqsha kezeginde túr eken. Myna týrimen olar es bilip, eseygenshe sol kezegine jete almaydy. Osyny bile túra, siz «ministr bolghanymnyng arqasynda, balamdy membaqshagha ornalastyrdym» dep maqtanasyz, búl maqtanynyz әlgi 70 myng býldirshinge, olardyng ata-anasyna mazaq bolyp estilmegende qaytsyn?!
Men de siz siyaqty ata-anamyn. Dәl siz sekildi osydan 3 jarym jyl búryn balamdy memlekettik balabaqsha kezegine qoyghan edim. Ekinshi balamdy dýniyege kele salysymen tirketkem, kezekke. Mine tórtinshi jylgha ayaq basqaly otyrmyz, kezekting qozghalar týri kórinbeydi. Qazir ekeui de jeke menshik balabaqshagha barady. Ay sayyn tapqan-tayanghanymyzdyng jartysyn sanap beremiz. Ýiimizding janynda eki qabatty zәulim әri jana memlekettik balabaqsha bar. Janynan ary-beri ótkende balam súraydy: «Áke, ana balabaqsha nege ýlken de, bizdiki odan nege kishkentay? Men de sol ýlken baqshagha barsam bola ma?» dep. Sәby ghoy, qaydan bilsin, bizding elde memlekettik iygilikterdi qarapayym halyqtan búryn, qúryghy úzyndardyn, shendi-shekpendilerding iyelenip túrghanyn. IYә, dәl solay, memlekettik baghdarlama boyynsha bastyqtar ýy alady, balalary memlekettik balabaqshagha barady. Oghan qymsynyp jatqan eshkim joq. Qymsynuynyz ne, elge maqtanyp jar salady. Lauazymyn asyra paydalanu bile bilseniz, qylmys, ministr myrza! Basqa elde bolsa,  osy isiniz ýshin sottalyp ketuiniz de bek mýmkin edi. Al bizding elde búl qalypty jaghdaygha ainaldy. Preziydentting ózi syngha almasa, eshkim de «qarapayym halyqqa ziyanym tiyip jatyr ghoy» demeydi. «Qoljetimdi baspanagha» qol jetkize almay zar iylep jýrgen qanshama jas otbasyna, memlekettik balabaqshanyng kezegin zarygha kýtip, ýmittenip jýrgen ata-analargha obalym tiyedi-au» dep te alandamaydy eshkim. Qoldan kelip túrghanda qonyshtan basady siz siyaqty. Alysqa baryp qaytemiz, óziniz basqaryp otyrghan mekemede jemqorlyqqa qatysty birneshe is tirkeldi songhy kezde. Milliondar qoldy boldy. Basqasy basqa, bilim, densaulyq sekildi salalardan aqsha jymqyru degeniniz baryp túrghan bassyzdyq demeske lajymyz joq. Elimizding bilim salasyn osynday ashkóz, toghyshar adamdar basqarghanyn oilaghanda, bolashaghyna alandap, baz keshedi ekensin.
Aseke, «basqa pәle tilden» degen qazaq. Óziniz jii jýginetin orys tilinde de osy taqylettes naqyl sózder az emes-au. Basqa-basqa, sózden sýringen qanday bolatynyn «bas múghalim» siz biluiniz kerek edi. Ne de bolsa, Astana qalasy boyynsha balabaqsha kezeginde túrghan 70 mynday býldirshinning ýmitin sóndirgendey boldynyz, bәrining әkesi ministr emes qoy óitkeni. Jә, «bir sózime bola sonsha, jerden alyp, jerge salghany nesi?» demeniz, artyq ketsem ghafu etersiz. Qyzmetke janadan taghayyndaldynyz ghoy, ony da eskereyik, meyli. Tek aldynyzdaghy әriptesteriniz sekildi, taghy da reforma jasaymyn dep tyrashtanbay, búrynnan qordalanyp qalghan mәselelerdi sheshuge tyryssanyz iygi edi. Mәselenki, óz balanyzdy memlekettik balabaqshagha ornalastyryp qana qoymay, myndaghan býldirshinning de kýrmeuli mәselesining sheshiluine ýles qossanyz, halyqtyng alghysyna bólener ediniz!