Olimpiadanyng songhy aptasy bastaldy. Búl sport dodasyndaghy Qazaqstan olimpiyashylary kórsetip jatqan nәtiyje әiteuir sәl de bolsyn kónil kónshiterliktey. Áriyne, ýsh jyl búrynghy Tokiodaghy 83-orynmen salystyrghanda ghana. Ázirge jalpykomandalyq esepte 29-orynda kelemiz.

Nariman Qúrbanov sporttyq gimnastikadan kýmis jýldege ie boldy. Búl – qazaq atletining sporttyng osy týrindegi túnghysh medali! Nariman tek irlandiyalyq Ris Makklegangha ghana ese jiberdi. Ýshinshi orynda – Stiyven Nedorozik (AQSh).

Erler boksyndaghy aqyrghy ýmitimiz – 80 keli salmaq dәrejesinde syngha týsip jýrgen Núrbek Oralbay dominikandyq qarsylasy Kristian Havier Pinalesti jenip, finalgha shyqty. Sheshushi bәsekedegi onyng qarsylasy – ukrain boksshysy Oleksandr Hijnyak.

Qyzdar boksynda Nazym Qyzaybay (50 kelige deyingi salmaq dәrejesi) qarsylastarynyng bәrinen basym týsip keledi. Shiyrek finalda ol kolumbiyalyq boksshy Ingrit Valensiyany aiqyn basymdyqpen jendi. Nazymnyng jartylay finaldaghy qarsylasy – qytay qyzy, 2023 jyly әlem chempiony atanghan U Yu.

Jenil atletikada 3 000 metrge kedergilermen jýgiruden Nora Djeruto 5-oryn alyp, finalgha shyqty. Finaldyq jarys erteng týnde, yaghny 6 tamyzdan 7-sine qaraghan týni saghat 00.10-da bastalady. Keniyadan kelip, Qazaqstan azamattyghyn alghan taghy bir jelayaq Deyzy Jepkemey nebәri 10-oryn alyp, finalgha shygha almady. Degenmen ol әli 10 000 metr qashyqtyqqa jýgiru jarysyna qatysady.

Senbi-jeksenbide Olimpiadada búdan ózge de talay janalyq boldy.

1) Qazirgi tennis sportynyng jaryq júldyzy, osy kýnge deyin almaghan jýldesi joq 37 jastaghy aty anyzgha ainalghan serb Novak Djokovich túnghysh ret Olimpiada chempiony atandy. Ol óte tartysty ótken finalda tennisting jana da jas sayypqyrany – ispandyq Karlos Alikarastan eki sette basym týsti (7:6, 7:6). Sóitip, Novak ózining bala kýngi armanyna qol jetkizdi.

2) Bokstan qyzdar arasyndaghy 66 keli salmaq dәrejesindegi shiyrekfinaldyq jekpe-jek kýlli әlemning nazaryn audardy. Basty sebep – júrtshylyq transgender dep eseptegen, alayda keyin interseks (boyynda erlerge tәn gormony kóp әiel) ekeni mәlim bolghan aljirlik sportshy Iman Helif tónireginde tuyndaghan dau. Jarty әlemdi shulatqan janjal Iman Helifting jýikesine asa qatty әser etpese kerek, ol vengriyalyq boksshy Anna Luka Hamoriydi jenip, jartylay finalgha shyqty. Endigi qarsylasy – tay qyzy Djandj Suvannapheng (jekpe-jek 6 tamyzda ótedi).

3) Jýzu sportyndaghy eng әigili әiel sportshynyng biri – amerikalyq Kety Ledekiy 9-shy ret Olimpiada chempiony atandy. 800 metr qashyqtyqqa jýzu sayysynda ýzdik shyqqan ol óz otandasy Djenny Tompsonnyng (8 ret olimpiyalyq chempion bolghan) rekordyn janartty. Osy jenisining aldynda ghana Kety taghy bir sayysta – 1 500 metrge jýzip jarysudan da altyn alghan bolatyn. Sóitip, K.Ledeky óz qorjynyndaghy olimpiyalyq medali sany (14) jóninen әielder arasynda ýshinshi oryngha shyqty, al tek altyndy eseptesek (9) orys gimnasty Larisa Latyninamen tenesti. Áyelder arasynda jalpy medali sany boyynsha alda tek Latynina (9+5+4=18) men norveg shanghyshysy Marit Biorgen (8+4+3=15) ghana túr.

4) Sporttyq gimnastika júldyzy Simona Baylz (AQSh) keshe ózining osy Parij Oiyndaryndaghy ýshinshi altyn medalin aldy. Búl – onyng jalpy Olimpiada tarihyndaghy jetinshi altyny. Simona múnymen de shekteletin týri joq, alda bórene ýstindegi jattyghular men erkin jattyghular sayysy kýtip túr. Eger Simona Baylz búl ekeuinde de jeniske jetse, Latynina men Ledekiydi biyl-aq quyp jetui mýmkin.

5) Dzudodan Fransiya qúramasy komandalyq jarysta osy sport týrin oilap tapqan Japoniyanyng sportshylaryn jenip, altynnan alqa taqty. 26 shilde kýni osy sport merekesining ashylu saltanatynda Olimpiada alauyn jaqqan Teddy Riyner Parij tatamiylerindegi ekinshi altyn medalin iyelendi. Jalpy alghanda Riyner – bes dýrkin Olimpiada chempiony!

6) Dýnie jýzindegi eng jyldam әiel – Julien Alifred bolyp shyqty. 100 metrdi 10.72 sekundta jeldey esip ótken jelaayaq – Ontýstik Amerikanyng teriskey túsyndaghy Karib tenizinde ornalasqan oimaqtay ghana Sent-Lusiya atty aral-memleketting ókili. Julienning jenisi – nebәri 180 myng ghana halqy bar osy elding túnghysh olimpiyalyq medali!

7) Fransuz jýzgishi Leon Marshan 200 metrge jýzip jarysudan altyn medali aldy. Búl – jýzu sportynyng jana júldyzy atanghan talantty atletting Parij Olimpiadasyndaghy tórtinshi altyny! Búghan deyin bir Olimpiadada tórt ret altynnan alqa taqqan bir-aq sportshy bar edi, ol – danqty amerikalyq jýzgish Maykl Felps (2008). Leon Marshan ózining osy sport týrining naghyz maytalmany ekenin dәleldedi: brass, batterflyay әdisterimen jýzude de, 400 metrge, 200 metrge kompleks týrinde jýzuden de ol aldyna qara salghan joq. Parij túrghyndary óz otandastarysynyng tabysyn toylap jatyr.

8) Parijdegi futbol turniyri de óz mәresine jaqyndap keledi. Býgin jartylay final kezeni ótedi – Marokko men Ispaniya (Astana uaqytymen 21.00-de), Fransiya men Egiypet (00.00) kezdesedi.

Sәken Sybanbay

Abai.kz