Preziydentke 2024 jyldyng qantar-shilde ailarynda qysqa merzimdi ekonomikalyq indikator 112,4 payyzdy qúraghany bayandaldy. Oblysqa 188,2 milliard tenge investisiya tartyldy, sonyng ishinde jeke investisiyanyng mólsheri 136,7 milliard tengege jetti.

Beybit Isabaevtyng aituynsha, aimaq ekonomikasynyng agrarlyq salagha negizdelgenin eskere otyryp, paydalanylmaghan jerlerdi qaytaru jәne ainalymgha engizu sharalaryna, «Auyl amanaty» baghdarlamasyn jýzege asyru, qant óndirisin damytu mәselelerine basa mәn berilgen.

Memleket basshysyna ónerkәsip óndirisin órkendetu, ónirge investisiya tartu jayynda mәlimet berildi. Atap aitqanda, birqatar perspektivti investisiyalyq joba iske asyrylyp jatyr. Olardyng qatarynda Kerbúlaq audanyndaghy metallurgiya kombinaty, «Qorghas – Shyghys qaqpasy» arnayy ekonomikalyq aimaghyndaghy «Qazaqstan-Qytay halyqaralyq ónerkәsip qalasy» industrialdy parki, Jonghar qaqpasy aumaghyndaghy quaty 1 GVt bolatyn jel elektr stansiyasy siyaqty iri jobalar bar. Ónirding kólik-logistikalyq jәne tranzittik әleuetin arttyru ýshin jýieli júmystar qolgha alynghan.

Qasym-Jomart Toqaevqa túrghyn ýi-kommunaldyq sharuashylyq salasynyng jay-kýii turaly aityldy. Oblys әkimining sózinshe, jyl sonyna deyin ónirdi gazben qamtu dengeyi 56,5 payyzgha jetedi. 2028 jylgha qaray Jetisu oblysy kógildir otynmen tolyq qamtylady dep kýtilip otyr. Songhy 2 jylda oblysta 86 әleumettik infraqúrylym nysany salynyp, jóndeuden ótken.

Preziydentke túrghyn ýy jәne jol qúrylysy, turizmdi damytu jayynda aqparat berildi. Jalpy Jetisudyng turistik baghyty Alakól, Balqash kólderi, «Altynemel», «Jonghar Alatauy» últtyq parkteri, Jonghar Alatauynyng tau massivteri sekildi halyq jii baratyn oryndardyng әleuetine iyek artady. Ekologiyalyq turizmdi damytu maqsatynda Búrhanbúlaq sarqyramasy men Jasylkólge aparatyn jol salu josparlanghan.

Kezdesu sonynda Memleket basshysy ónirdi әleumettik-ekonomikalyq túrghydan damytu jәne halyqtyng әl-auqatyn jaqsartu baghytyndaghy júmystardy odan әri jalghastyrudy tapsyrdy.

Abai.kz