Memleket basshysy Qasym-Jomart Toqaev 2 qyrkýiek kýni Qazaqstan halqyna «Ádiletti Qazaqstan: zang men tәrtip, ekonomikalyq ósim, qoghamdyq optimizm» atty joldauyn jasady. Atalghal Joldauda el taghdyryna qatysty manyzdy mәseleler qamtyldy. Biz osy rette aqyn, akademik Bauyrjan Jaqyp pen eks-deputat Anar Jetibaevadan pikir súradyq...

Elimiz órkendeytin bolady!

Bauyrjan Jaqyp,

Qazaqstan Jazushylar odaghy Basqarma tóraghasynyng orynbasary, QR Últtyq Ghylym Akademiyasynyng akademiygi:

– Memleket basshysy Qasym-Jomart Toqaev Parlament palatalarynyng birlesken otyrysynda «Ádiletti Qazaqstan: zang men tәrtip, ekonomikalyq ósim, qoghamdyq optimizm» atty Qazaqstan halqyna arnaghan Joldauynda halyqtyng әl-auqatyn jaqsartugha basa nazar audardy.

Mening óz basyma infraqúrylymgha qatysty ózekti mәselelerdi sheshu baghyty boyynsha aitylghan týiindi oilar erekshe әser etti. Mәselen, «Astana-Almaty, Aqtóbe-Atyrau-Astrahani, Taldyqorghan-Óskemen baghytyndaghy kýre joldardy qayta janghyrtu júmystary ayaqtalyp qaldy», - degen sózderi airyqsha quantty. Men Abay oblysynda tuyp-óskenmin. Jyldar boyy elge barghanda, jol qiyndyghyn kórip kelemin. Endi sol jol zamanauy talapqa say jóndelip, bitip jatsa, núr ýstine núr bolar edi.

Sonday-aq, «Balqash jәne Alakól demalys aimaqtaryndaghy úshu-qonu jolaqtary tolyq janghyrtyldy», - degen sózi de quantty. Jylda Alakólge demalys kezinde baru ýshin qinalamyz. Endi jazghy demalys kezinde birneshe aviareys úshyrylsa, kóp adam qoljetimdi baghamen Alakólge baryp emdelip, tynyghyp qaytatyn bolady.

Joldaudaghy eng basty mәselelerding biri - Atom elektr stansasyn salu mәselesine qatysty jalpyúlttyq referendum ótkizudi 6 qazanda ótkizudi úsynuy. Semey poligonynyng orasan zor zardabyn tartqan bizding el ýshin atom sózining ózi ýrey tudyratyny ras. Biraq Preziydenttin: «…ekonomikamyz kýn ótken sayyn mol energiyany qamtamasyz ete alady. Qazir damyghan jәne damushy 30 memlekette 200-ge juyq atom elektr stansasy júmys istep túr», - degen naqtyly dәiekterinen keyin ózimizden óndiriletin uran shiykizatyn paydalanyp, arzan energiya kózin paydalanu tiyimdi ekenine kóz jetkizuge bolady. Tek onyng qauipsiz boluy ýshin búl salada biyik maqsattargha qol jetkizgen AQSh, Japoniya siyaqty elderding mamandaryn tartu arqyly AES salynyp jatsa, búl bolashaqtyng qamyn jeuden tughan perspektivalyq ozyq is bolar edi.

Memleket basshysynyng naqty sheshimin tabatyn aqsha-nesie sayasaty, biznesti jýrgizuge qajetti jaghdaylardy jaqsartugha, elimizding ónerkәsip salasyn tolyq paydalanugha qatysty, kadrlyq әleuetti arttyrugha, últ saulyghyn nyghaytugha, ekologiyalyq ahualdy jaqsartugha, zang men tәrtip iydeologiyasyn tereng ornyqtyrugha oray aitylghan oilarynyng bәrin de quattaymyn. Tek sóz jýzinde qalyp qoymay, osynyng bәri jýzege asyp jatsa, elimiz órkendey beretinine senim mol!

Bizge atom elektr stansiyasy qajet!    

Anar Jetibaeva,

Pavlodar oblysynyng Áyelder qanatynyng mýshesi, eks-deputat:

– Preziydent Joldauynda aitqanday, atom elektr stansiyasyn salu mәselesi boyynsha jalpyúlttyq referendum 6 qazanda ótedi. Atom» dese, bizding halyq at tonyn ala qashady. Atom elektr stansiyasy keybireuler oilaghanday atom qaruy emes! Ekeuining alynu әdisi úqsaghanymen, funksiyasy mýldem basqasha. Atom energiyasyn әlemde damyghan elder ghana paydalanyp jatqan joq. Ony biz siyaqty damushy elder óz iygiligine jaratyp otyr. AES reaktory su–su tehnologiyasyn paydalanady. Múnday tehnologiya qoldanylghan stansiyalardyng birinde de apat bolmaghan. Atom elektr stansiyasynda uran 4-5 payyz ghana bayytylady. Ol eshqanday jarylysqa әkelmeydi. Sol sebepti shyndyqty halyqqa jetkizu — bizding paryzymyz.

Juyrda qazaqstandyq tórt oqushy әlemde fizikadan jarysta birinshi oryn aldy. Olar erteng elimizge keledi. Bilimdi balalar qay jerde ózderining fizikalyq ghylymy bilimin, yadrolyq bilimin iske asyrady?! Tek atom elektr stansiyasyn damytqanda ghana jýzege asyra alady. Bilimdi úrpaqqa mýmkindik tuady. Qazaqstanda jahandyq taza energiya kózderine kóshu ýrdisteri ayasynda atom elektr stansiyasyn (AES) salynu kerek.Men óz basym qoldaymyn. Sol ýshin,elding ertenin oilap Memleket basshysy Qasym-Jomart Toqaevtyng úsynysyn qoldaghanymyz dúrys! Bizge atom elektr stansiyasy qajet!

Abai.kz