Keshe Dýniyejýzilik Kóshpendiler oiyndary ayasynda kókpardyng finaly ótti. Finalda Qazaqstan men Qyrghyzstan qúramalary jolyghyp, 5:4 esebimen Qazaqstan qúramasy jeniske jetken. Alayda, búghan Qyrghyzstan komandasy men jankýierleri narazy bolyp, kókpar sony elaralyq shugha úlasty.

Qyrghyz taraby: «Kókpardyng finalynda әdiletsizdik oryn aldy», - dep narazylyqtaryn aituda.

Osyghan qatysty QR Kókpar federasiyasynyng preziydenti Aydarbek Qojanazarov V Dýniyejýzilik Kóshpendiler oiyndarynda kókpardan qazaq-qyrghyz oiynshylary arasynda ótken finaldyq oiyngha qatysty pikir bildirdi.

Suret Aydarbek Qojanazarovtyng jeke paraqshasynan alyndy.

Aydarbek Qojanazarov:

- Kókpar federasiyasynyng qúrmetti preziydenti retinde, birneshe jyldan beri kókpardyng damuyna ýles qosyp jýrgen azamat retinde, keshe ótken finaldyng kuәgeri retinde qazaq-qyrghyz arasyndaghy aqtyq oiyngha qatysty pikir bildirgen dúrys dep sheshtim.

Kókpar - naghyz batyr jigitterding arasyndaghy bәseke. Keyde attyng ýstindegi adamnyng emosiyasy dop qughan ne boz kilemde alysyp-júlysqan sportshydan basym týsip jatady. Ár sport týrinde ereje әrtýrli búzylady. Kókparda qamshysyn siltep jiberse, asa bir aryzdanatyn jaghday emes. Jappay kókparda odan da qorqynyshty kadrlardy kórip jýrmiz. Ras, keshe oiynda tәrtip búzyldy, tóreshiler kenese kele tәrtip búzghan oiynshygha eskertu berdi. 2 minutqa shetke shyghardy. «Bas jarylsa - bórik ishinde, qol synsa - jeng ishinde» degendey, alandaghy ala shang sol jerde qaluy kerek. Búl әuelden kókpardyng jazylmaghan erejesi.

Ekinshiden, tóreshining aitqany zan! Meyli qanday sport týrin alsaq ta, sportshy onymen salghylaspaydy. Shamdanuy mýmkin, kelispey, súrau saluy mýmkin, biraq tulap, әdepten attamaydy. Ádemi oiyn kórseteyik degen jerde, tóreshini tyndau paryz. Álemdik dengeydegi kez-kelgen sportta tóreshige baghynbau, qúrmetsizdik kórsetu degen atymen joq.

Ýshinshiden, saghan qúrmet kórsetken jerde oghan jauap retinde iltipat bildirse qanday jarasymdy. Ishtegi otyng kýidirip sónbey jatsa, moynyndaghy medalidi alyp tastay ber. Týrindi tyrjityp, teris qarap túrsang da qabyldanady. Biraq qonaq qylyp shaqyryp, jaghdayyndy jasaghan, aghayyn dep ardaqtaghan, jýldesin qolyna ústatyp arqannan qaqqan memleketting әnúrany oinaghanda bir sәtke sabyr etip, eldik mýddeni joghary qoi - әr sportshygha qajet qasiyetting biri.

Sóz joq, qyrghyz kókparshylary tәuir dayyndalghan. Attaryn sheber baptaghan. Biraq qazaqtyng kókparshylary anyq basym týsti. Qyrghyzdar oiyn alanynda 10 salym salamyz dese, bireu oghan kedergi jasady ma?! Kerek dese eki jaq teng týsip, qosymsha uaqyt ta berildi. Qosymsha uaqyt berilmey, «Qazaqstan basym týsti» dese, ortagha qamshyny eng birinshi myna men tastar edim. Qúdayshylyghyn aitayyq, Qazaqstannyng Últtyq qúramasy taza jendi! Alysty, júlysty, biraq útty! Jalpy dala erleri ýshin jenilgenin moyyndau da erlik! Basqa artyq sóz joq!

Eki memleketting tatulyghy men dostyghy - kez-kelgen oiynnyng nәtiyjesinen qadirli. Býgin qazaq jense, erteng qyrghyz útady. Ymyra men yntymaqty oilasaq, әli talay kókpar tartamyz. Qayta qazaq-qyrghyz sekildi myqty qarsylas shyqpasa, kókparda sәn bolar ma edi? Osynshama jankýier jinalyp, qiqulap tik túryp tamashalar ma edi?! Ashyghyn aitqanda bizden basqa kimge kerek búl oiyn?! Serkeni ilemiz dep jýrip syiymyzdy ketirip almayyq. Qanday ghasyr, qanday zaman kelse de, qazaq pen qyrghyzgha tek bauyrmaldyq jarassa kerek!

Abai.kz