Amerikanyng Amtrack poyyzy zulap keledi. Barar baghytymyz - Delaware shtatynyng Wilmington qalasy. Qasymda otyrghan qara jigit óte shydamsyz adam bolyp shyqty. Ayaq kiyimin sheship alyp terezege qoyyp suretke týsirdi. Odan keyin qayta kiyip, oryndyqtardy aralap әri-beri jýrdi.

Burna Boy deytin әnshining Last, last degen әnin ilesip aityp, býkil vagondy basyna kóshirdi. Eshkim ýndegen joq. Sәlden song tóbeles izdedi me, qasyma kelip qaydan kelgenimdi súrady. Aytyp edim, "onday memleketti bilmeymin" dep óz sózine ózi kýldi.

Poyyz terezesinen syrtqa kóz saldym. Qarasha sony bolsa da, dalada syz joq. "10 minuttan keyin Baltimorgha jetemiz", - dep habarlady. Poyyz beketke toqtaghan son, birneshe adam syrtqa shyghyp, birnesheui jana jolaushy retinde ishke endi. Álgi qara jigit te osy jerde ghayyp boldy.

Kurt Vonnegut-ting "Mysyqqa arnalghan besik" atty romanyn oqyp, óz oiymmen әbiger otyrmyn. Kenet qatarlas oryndaghy bir kishkene bala mazasyzdanyp jylay bastady. "Can I play a game!?" degendi qaytalay berdi. Otyzdyng juan ishindegi kelinshek Apple planshetin sómkesinen suyryp alyp, úlyna ústatty.

Kózin tónkerip beri qaraghanda, onyng aziyalyq ekenin bayqadym. "Baltimordan ótip bara jatyrmyn. Keshte qaytamyn", - dep әldekimge dybysty habarlama jibergenimde, ol men jaqqa jalt qarady. Sәl ýnsizdikten keyin "Qazaqstannan keldiniz be?", - dep oryssha súraq qoydy.

"Yes, I am from Kazakhstan. Biraq oryssha týsinbeymin", - dep aghylshynsha sóilep edim, ol sәl ezu tartty. Meni qyrsyqty bireu dep oilasa kerek. Tereze syrtyna qarap biraz uaqyt otyrdy.

"Múnda oqisyz ba? Esiminiz kim?" degen súraqtarym onyng oiyn bólip jiberdi. Shyn ba, ótirik pe, Qúday biledi, esimi Zarina eken. Tynysh otyrmay, úlynyng atyn súradym. Tergeushisiz be degendey, kózime toqtalyp qarady da: "Úlymnyng aty - Elimay", - dedi.

Qapelimde nederimdi bilmey, otyrdym da qaldym. "Kelesi ayaldama Wilmington beketi", -dep habarlady. Poyyzdan týsip bara jatyp onymen qoshtastym. Basyn sәl iyzedi. Elimay anasynyng tizesine basyn qoyyp pyryldap úiyqtap jatyr. Amtrack poyyzy Amerikanyng soltýstik dalasyn betke alyp ketip barady. "IYә, onyng aty Elimay eken", -dedim kýbirlep. Kýbirimdi ózimnen basqa eshkim estigen joq.

Dýisenәli Álimaqyn

Abai.kz