Keshe partiyalar mektepterde, auruhanalarda, zauyttarda jәne arhivterde saylaushylarmen kezdesip, әr salanyng ózekti mәselelerin talqylady. Kóterilgen taqyryptar әrtýrli bolghanymen, olardyng bәrin biriktirgen ortaq ózek – enbek adamy jәne onyng kýndelikti mәseleleri boldy.

Kókshetau – bolashaq qalalar turaly

«Ádilet» partiyasynyng ókilderi Aqmola oblysynyng túrghyndarymen kezdesti. Partiyanyng respublikalyq saylaualdy shtaby úiymdastyrghan kezdesude kókshetaulyqtar ónir ýshin manyzdy bastamalardy úsyndy. Olardyng qatarynda kәsipkerlerge arnalghan birynghay sifrlyq platformany iske qosu, kolledjderge jasandy intellekt tehnologiyalaryn engizu, kommunaldyq jelilerdi janghyrtu jәne jana júmys oryndaryn qúru bar.

Ónirlerdegi júmysyn jalghastyrghan «Ádilet» sportshylarmen, jattyqtyrushylarmen, ónerkәsip kәsipornynyng újymymen, sonday-aq turizm jәne shipajay-kurort salasynyng ókilderimen kezdesti. Kezdesulerde sportty, turizmdi, kәsipkerlikti jәne agroónerkәsip keshenin damytu, fermerlerdi qoldau men auyl sharuashylyghy ónimderin tereng óndeu mәseleleri talqylandy.

Kezdesulerding birinde Aqmola oblystyq olimpiadalyq rezervti dayarlau ortalyghynyng әdiskeri Ekaterina Kruglik balalardyng túrghylyqty jerine nemese otbasynyng materialdyq jaghdayyna qaramastan tegin sport seksiyalaryna teng qoljetimdiligin qamtamasyz etu mәselesin kóterdi.

Mektep – reformanyng bastauy

JSDP elding bolashaghy bilim beru jýiesine baylanysty dep eseptep, osy taqyrypqa arnalghan arnayy konferensiya ótkizdi. Deputattyqqa kandidattar, pedagogter men sarapshylar bilim sapasy, kadr tapshylyghy, mektep infraqúrylymynyng jay-kýii jәne múghalimderdi qoldau mәselelerin talqylady.

Talqylau qorytyndysynda qatysushylar bir pikirge keldi: mektepte jýieli reformalar jýrgizilmeyinshe, bәsekege qabiletti memleket turaly aitu qiyn.

Sol kýni bilim beru taqyrybyna qatysty óz ústanymyn Respublica partiyasy da bildirdi. Kandidat Núrgýl Tau Qazaqstan halyq partiyasynyng PISA nәtiyjesi tómen mektepterge aiyppúl salu turaly bastamasyn syngha alyp, múnday tәsil mәseleni sheshuding ornyna kinәlini izdeuge úqsaytynyn aitty.

Onyng pikirinshe, auyl mektepteri bastapqydan-aq qalalyq mekteptermen teng jaghdayda emes. Sondyqtan olardan birdey nәtiyje talap etu – orynsyz, al múghalimderdi jazalau bilim beru jýiesining әlsizdigin ghana kórsetedi.

Respublica basqa joldy úsynady. Partiya múghalimderdi jazalaudyng ornyna bilim beru ortasyn damytu men pedagogterdi qoldaudy qúptaydy.

Ekologiya – dәrigerler kózimen

«Baytaq» partiyasy ýshin ekologiya mәselesi densaulyq saqtau salasymen tyghyz baylanysty. Keshe búl ústanym is jýzinde kórinis tapty.

Kandidat Tair Saghymbaev Aqtaudaghy №2 qalalyq emhananyng újymymen kezdesti. Kezdesu barysynda medisina salasynyng jay-kýii, ónirding ekologiyalyq qauipsizdigi jәne pasiyentterdi әleumettik qorghau mәseleleri talqylandy.

Partiyanyng payymynsha, naqty sheshimder kense qabyrghasynda emes, kýn sayyn halyqpen júmys isteytin mamandardyng pikirine sýiene otyryp qabyldanuy tiyis.

Tarihy jady – sayasy kýn tәrtibinde

Qazaqstan halyq partiyasy keshe tarihy jady taqyrybyna erekshe nazar audardy. Partiya izdestiru júmystaryn, arhivtik zertteulerdi jәne patriottyq jobalardy qoldau maqsatynda «Memorialdyq aimaq» birlestigimen yntymaqtastyq turaly memorandumgha qol qoydy.

Partiya tóraghasy Núrsúltan Shoqanovtyng aituynsha, onyng arghy atasy ondaghan jyl boyy habar-osharsyz ketkender qatarynda sanalyp kelgen. Keyin izdestiru jasaghy onyng jerlengen ornyn anyqtaghan.

QHP búl bastamany ata-baba erligine taghzym etuding jәne tarihy shyndyqty saqtaudyng manyzdy bóligi dep esepteydi.

Kenshiler ólkesindegi kezdesuler

Keshe Qostanay oblysyna tóraghasy Qayrat Aytughanov bastaghan «Auyl» partiyasy bardy. Ol enbek újymdarymen, partiya belsendilerimen jәne auyl túrghyndarymen kezdesip, agroónerkәsip keshenin damytu, kәsipkerlikti qoldau jәne infraqúrylymdy janartu mәselelerin talqylady.

Sapar barysynda Aytughanov ózining enbek joly bastalghan «Qazposhta» újymymen de kezdesti. Sapar jastar volonterlerimen birge ótken ýgit-nasihat aksiyasymen ayaqtaldy.

Al dәl osy uaqytta Qaraghandygha «Aq jol» partiyasynyng tórayymy Dәniya Espaeva bardy. «Seven Refractories Asia» JShS újymymen kezdesude otandyq óndirushilerdi qoldau, jana júmys oryndaryn ashu, salyq sayasaty jәne ónerkәsipti damytu mәseleleri sóz boldy.

Songhy kýnderi birneshe partiyanyng Jezqazghan men Qaraghandy oblysyn kezdesu alany retinde tandauy kezdeysoq emes. Búl ónirler úzaq jyldar boyy el ekonomikasynyng damuyna ýles qosyp kele jatqan enbek adamdarynyng simvolyna ainalghan. Baghdarlamalary әrtýrli bolghanymen, enbekke qúrmet taqyryby kóptegen partiyalardy ortaq ústanym tóniregine toptastyryp otyr.

Jezqazghandaghy pikirtalas

Respublica partiyasy Jezqazghanda óz jaqtastarynyng forumyn ótkizip, onda ónirding ónerkәsibi, joldarynyng jaghdayy, medisinasy jәne bilim beru salasy talqylandy.

Alayda kópshilikting nazaryn baghdarlamalyq úsynystardan góri Meyir Alpysovtyng «Aq jol» partiyasynyng synyna bergen jauaby audardy.

Ol memleket azamattaryn «úry nemese jemqor» retinde qabyldamaugha shaqyryp, shetelde tabys tauyp jýrgen qazaqstandyqtardyng qarajatyn el ekonomikasyna investisiyalaugha jaghday jasau qajet ekenin aitty. Onyng pikirinshe, olardy әleuetti zang búzushy retinde qarastyru dúrys emes.

Osylaysha, bir kýnning ishinde saylaualdy nauqanda eki negizgi pikirtalas aiqyndaldy. Onyng biri – mektepterge aiyppúl salu mәselesine, ekinshisi – shetelde biznes jýrgizetin qazaqstandyqtargha degen senimge qatysty boldy. Búl saylau jaqyndaghan sayyn partiyalardyng ózara ashyq pikirtalasqa jii týsip jatqanyn jәne olardyng baghdarlamalary arasyndaghy naqty aiyrmashylyqtardyng barghan sayyn aiqyndala týskenin kórsetedi.

Abai.kz