Kólsay kólderi aumaghynda tazalyq jәne ekologiyalyq normalardy saqtau boyynsha keshendi júmystar jasaluda. Búl turaly «Kólsay kólderi» MÚTP әkimshiliginen habarlady.

Ayta keteyik, әleumettik jelide balyq aulaushylardan kól betinde qalghan qoqys turaly viydeo taraghan edi.

Últtyq park әkimshiligining habarlauynsha viydeo taraghan kezde kól aumaghynda qoqystan tazalau boyynsha keshendi júmystar jýrgizilip jatqan. Últtyq park aumaghynda kelushilerge tazalyq saqtau men tabighat erejeleri turaly aqparat údayy beriledi. Sonday-aq, tazalyq júmystary túraqty jýrgiziledi. Mysaly, 2024 jyldyng qantar-qyrkýiek ailarynda Kólsay kólderi aumaghynan 80 tonna qatty túrmystyq qaldyq shygharylghan.

Al viydeony týsirip, tabighatqa janashyrlyq tanytqan azamatqa alghys bildirgen Últtyq park әkimshiligi qoqys pen balyq aulaushylar men demalushylar qaldyrghan qaldyqtar sol kýni-aq tolyqtay tazalanghanyn habarlady. Sonday-aq, tazalyq erejelerin búzghan balyq aulaushylargha әkimshilik jauapkershilik turaly eskertilip,  Últtyq park aumaghynda ekologiyalyq normalardy qatang saqtau turaly aqparat berilgen.

«Mereke jәne demalys kýnderi balyq aulaushylar men turister sany aitarlyqtay ósedi. Búl kýnderi Últtyq park qyzmetkerleri kýsheytilgen júmysqa kóship, tazalyq pen tәrtipti saqtau sharalaryn qamtamasyz etuge tyrysady. Alayda ókinishke qaray, tabighatqa janashyrlyqpen qaramaytyn adamdar da jii kezdesedi. Últtyq park aumaghyna kelushilerge búl tek demalys aumaghy ghana emes, tabighy baylyghymyz ekenin sezinip, jauapkershilikpen qarauyn súraymyz», - deydi Últtyq parkte.

Qazirgi kezde Kólsay kólderi aumaghynda baqylau kýsheytilip, inspektorlar men Últtyq park qyzmetkerlerining sany kóbeytilgen. Árbir eki saghat sayyn reyd ótkiziledi.

Kól aumaghynda kelushilerge zansyz balyq aulaugha tiym salynghany, ereje búzushylyq ýshin aiyppúl qarastyrylghany, tazalyq saqtau turaly aqparat berilip, eskertu jasalady. Al janashyr azamattardy ekologiyalyq mәdeniyetti qalyptastyru baghytynda birge júmys isteuge shaqyrady.

«Biz búl baghytta eriktilermen, blogerlermen, tabighatqa janashyr azamattarmen túraqty týrde ekologiyalyq aksiya, is-sharalar ótkizip, ekologiyalyq mәdeniyetti qalyptastyru baghytynda halyqqa aqparat jetkizgimiz keledi. Óitkeni Kólsay kólderi syndy tabighy baylyqty saqtaudyng manyzdylyghyn eng birinshi kezekte qogham týsinse deymiz. Tabighatty qorghau isinde janashyr azamattar atsalysyp, bizding seriktes, qoldaushylarymyzdyng qatarynda bolugha shaqyramyz», - deydi MÚTP әkimshiligi.

Ayta keteyik, 2024 jyly Almaty oblysy turizmning qarqyndy damuy boyynsha rekordtyq kórsetkishterge qol jetkizdi. Qantar men qazan aralyghynda aimaqqa 1,6 million turist kelgen. Onyng ishinde «Kólsay kólderi» turister eng kóp kelgen nysandardyng biri. Múnda 2024 jyly 394 903 demalushy kelgen. Búl kórsetkishter elimizde ishki turizm damyp, turister kóbeygenin kórsetedi, alayda sonymen qatar, ekologiyalyq mәdeniyetti arttyru qajettiligi bayqalady.

Abai.kz